Kaos në partinë opozitare turke, policia futet në seli

Tensione të forta dhe skena kaotike u regjistruan në selinë qendrore të Partisë Republikane Popullore (CHP) në Ankara, pas vendimit të Departamentit të 36-të Politik të Gjykatës së Apelit që rrëzoi nga posti kryetarin Özgür Özel. Situata degjeneroi në përplasje mes mbështetësve të Özel dhe përkrahësve të ish-liderit Kemal Kilicdaroğlu, ndërsa hyrjet e godinës u bllokuan dhe në drejtim të turmës u hodhën sende të forta dhe shishe me ujë. Në ambientet jashtë selisë ndodhej edhe avokati i Kilicdaroglu-t, Celal Çelik, së bashku me një grup mbështetësish që kërkonin të hynin në ndërtesë, por pretenduan se nuk u lejuan nga sigurimi i partisë.

Pas përshkallëzimit të tensioneve, forcat e policisë ndërhynë në selinë e CHP-së duke kapërcyer barrikadat e vendosura nga siguria e ndërtesës. Gjatë operacionit policor u raportua edhe përdorimi i sprejit me piper për shpërndarjen e turmës.

Ndërhyrja erdhi pasi avokati i Kemal Kilicdaroglu-t i dërgoi autoriteteve një kërkesë zyrtare për evakuimin e ndërtesës, duke argumentuar se vendimi i gjykatës duhej zbatuar menjëherë. Në një deklaratë publike, Kilicdaroglu u bëri thirrje të gjitha strukturave të CHP-së, forcave të sigurisë dhe institucioneve shtetërore që të respektojnë vendimin e gjykatës dhe të shmangin veprime që bien ndesh me disiplinën partiake, duke paralajmëruar masa ndaj kujtdo që nuk i bindet urdhrave.

Nga ana tjetër, Özgür Özel refuzoi të largohej nga selia dhe përmes një videoje në rrjetet sociale e cilësoi situatën si “sulm ndaj trashëgimisë së Ataturkut dhe ndaj CHP-së”. Ai deklaroi se policia kishte ardhur për të “pushtuar ndërtesën”, ndërsa shtoi se mbështetësit e tij nuk do të përdornin dhunë ndaj forcave të rendit. Në zhvillimet dramatike reagoi edhe kryebashkiaku i burgosur i Stambollit, Ekrem Imamoglu, i cili përmes një postimi kërkoi mobilizim politik kundër atyre që, sipas tij, “janë të lidhur pas karriges dhe pushtetit”. Përplasja e brendshme në CHP po konsiderohet si një nga krizat më të rënda politike që ka përfshirë opozitën turke në vitet e fundit.

Po ndodh...

19:56 POLITIKË

Sulmi rus rrezikoi jetën e kryediplomatit shqiptar në Ukrainë, Ministria e Jashtme jep detaje

19:46 SPORT

Derbi Torino-Juventus, përplasje mes tifozëve ultras, policia ndërhyri me gaz lotsjellës

19:32 POLITIKË

Rrezikoi jetën e pushuesve dhe u gjobit me 5 milionë lekë, ministri Lamallari reagon ashpër ndaj drejtuesit të skafit: Provoje ta bësh edhe njëherë o "trim"

19:14 SPORT

Tottenham shpëton nga turpi, Chelsea mbetet pa Europë

19:03 MISTERE&KURIOZITETE

Kina lëshon misionin Shenzhou-23, synohet qëndrimi i astronautëve për një vit në hapësirë

18:47 BOTA

“Nuk dua gabime”, Trump porosi negociatorëve të vet: Mos u nxitoni për një marrëveshje me Iranin

18:19 SPORT

Momenti i së vërtetës në Serie A, Milani, Roma, Como dhe Juventusi luajnë për Champions-in

18:09 AKTUALITET

“Paralizohet” përkohësisht Vlora, trafik i rënduar për shkak të punimeve në Unazën e qytetit

18:03 AKTUALITET

Shkeli perimetrin e sigurisë duke rrezikuar jetën e pushuesve, gjobitet drejtuesi dhe bllokohet mjeti lundrues

17:44 SHOWBIZ

Mateo dhe Brikena janë martuar në fshehtësi? Dy unazat në dorën e saj, marrin fund aludimet

17:18 Fjalëkryq

Skemë kampionësh 24 maj

17:17 POLITIKË

Dendias nesër në Tiranë për çështjen e detit, zbardhet agjenda

17:01 BOTA

Macron dhe Lukashenko telefonatë pas vitesh të tëra “heshtje”

16:44 SPORT

Sezon i shkëlqyer i sulmuesit të harruar nga Kombëtarja, zbulohen klubet që e kërkojnë në Francë dhe Superligë

Dua të lexoj më shumë lajme