English
Luaj me Fjalëkryq
Lajme flash

Ishte rrëmbyer në Afrikën e Jugut, shpëtohet pastori amerikan, tre persona u vr*në gjatë operacionit

16 Prill 2025, 15:12 / BOTA ALFA PRESS

Ishte rrëmbyer në Afrikën e Jugut, shpëtohet pastori

Një pastor amerikan i rrëmbyer në Afrikën e Jugut është shpëtuar gjatë një operacioni ku mbeten të vrarë tre persona.

Një pastor amerikan, që ishte rrëmbyer nga njerëz të armatosur gjatë një shërbimi kishtar në Afrikën e Jugut javën e kaluar, është shpëtuar pas një përleshjeje ku mbetën të vrarë tre persona, thanë autoritetet.

Policia njofton se Josh Sullivan u shpëtua në një fshat në Kepin Lindor të martën në mbrëmje, në ambientet e një shtëpie pranë zonës ku 45-vjeçari u rrëmbye të enjten e kaluar.

Nuk ka detaje të menjëhershme për rrëmbyesit që dyshohet se kanë qenë të njohur me lëvizjet e tij. Gjatë dekadës së fundit, ka pasur një rritje të ndjeshmë të rrëmbimeve për shpërblim në Afrikën e Jugut.

Rrëmbyesit e Sullivan kishin bërë një kërkesë të tillë duke nxitur ndërhyrjen e njësisë elitare të policisë së Afrikës së Jugut, të njohur si Haëks.

Zëdhënësi Avele Fumba tha se ndërsa oficerët iu afruan shtëpisë, të dyshuarit u përpoqën të iknin brenda një automjeti, duke hapur zjarr. Sullivan e përshkruan veten si një misionar për predikimin e fesë kristiane.

Ai ka thënë me hërët se u transferua në Afrikën e Jugut me gruan dhe fëmijët e tij në vitin 2018 për të krijuar një kishë për njerëzit që flasin gjuhën Xhosa.

Xhosa është një nga gjuhët e grupit Bantu dhe flitet kryesisht në Afrikën e Jugut dhe në disa pjesë të Zimbabve

Kjo është një nga gjuhët zyrtare të Afrikës së Jugut dhe ka një numër të madh folësish prej rreth 19 milionë personash.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128