Rrogozhina pa kryetar bashkie, ISP: Janë shkelur afatet!

Rasti i Rrogozhinës, një praktikë tipike devijimi nga fryma e ligjit, demokracisë përfaqësuese, dekriminalizimit, integritetit dhe transparencës në vendimmarrje.

Nga monitorimi i praktikës nga Instituti i Studimeve Politike (ISP) konstatohet me shqetësim se edhe në raste të mëparshme institucionet, sidomos Këshilli i Ministrave, nuk e ushtrojnë në kohën e përcaktuar ligjore funksionin dhe përgjegjësitë e vet dhe për pasoja vendimi real për zhvillimin e zgjedhjeve të pjesshme (kur krijohen vakanca) imponohet nga agjenda politike e qeverisë dhe jo nga logjika proceduriale ligjore.

Ligjet duhen respektuar pavarësisht interesit politik të palëve të përfshira në procese të tilla. Ky është një standard dhe një detyrim i panegociueshëm për një vend që po synon anëtarësimin në BE.

ISP ka konstatuar gjithashtu se zyrtari i dënuar që humbet postin, vijon të ketë ende anëtarësi efektive në strukturat drejtuese të forcës së vet politike, – nuk ka pasur asnjë njoftim për jetësimin e standardeve të dekriminalizimit jo vetëm në bashki por edhe në partinë respektive politike.

6 vite pasi u fut për herë të parë në Bashkinë e Rrogozhinës si kryetar dhe fitoi tre palë zgjedhje me radhë, Edison Memolla është shpallur fajtor për ndikim në zgjedhjet e fundit, dhe me urdhër të Gjykatës së Posaçme të Apelit është dërguar në qeli, ku duhet të vuajë dënimin me 1 vit burg.

Figura të njohura politike të partisë së tij e kanë marrë publikisht në mbrojtje, një shans i humbur për të distancuar politikën nga rastet e krimeve zgjedhore dhe zyrtarëve që provohen se kanë shkelur ligjin.

Gjithashtu, është konstatuar se më faqen zyrtare të bashkisë vijon të figurojë kryetar, ish-kryetari i dënuar për korrupsion aktiv në zgjedhje, një tregues tjetër shmangie nga standardet e transparencës, informimit, llogaridhënies dhe integritetit të institucioneve përfaqësuese.

Nëse do të ishin respektuar afatet Prefekti i Tiranës do të kishte informuar Këshillin e Ministrave me 11-12 shkurt 2026, Këshilli i Ministrave do të kishte informuar Presidentin dhe KQZ me 13-15 shkurt 2026 dhe Presidenti do të kishte dekretuar zgjedhjet e reja në Rrogozhinë midis 15-25 mars 2026. Jemi në muajin prill dhe ende Këshilli i Ministrave nuk ka kryer detyrimin e vet ligjor për raste të tilla.

"Nga monitorimi i praktikës nga Instituti i Studimeve Politike (ISP) konstatohet me shqetësim se edhe në raste të mëparshme institucionet, sidomos Këshilli i Ministrave, nuk e ushtrojnë në kohën e përcaktuar ligjore funksionin dhe përgjegjësitë e vet dhe për pasoja vendimi real për zhvillimin e zgjedhjeve të pjesshme (kur krijohen vakanca) imponohet nga agjenda politike e qeverisë dhe jo nga logjika proceduriale ligjore. 

Ligjet duhen respektuar pavarësisht interesit politik të palëve të përfshira në procese të tilla. Ky është një standard dhe një detyrim i panegociueshëm për një vend që po synon anëtarësimin në BE", konstaton Instituti i Studimeve Politike.

Happening now...

13:28 SPORT

Sa para fiton PSG nga paketat e

13:06 EKONOMI&SOCIALE

Domatja që po na kushton sa ‘floriri’

13:05 BOTA

Marrëveshja me SHBA nuk i nxjerr inatin Iranit! Sulme me dron në Kuvajt dhe Emiratet e Bashkuara Arabe

13:04 POLITICS

DP presents proposal to reduce oil prices, requests accelerated procedure in Parliament

13:03 SPORT

Manuel Neuer - Bayern's 'Ray of Sunshine'/ The 40-year-old 'Wall' who stopped everything for the Mbappe-Vinicius duo

13:01 KOSOVA

Kosovo/ REL Analysis: More likely for a president or for elections?

12:46 HAPPENING NOW

Dog bites 4-year-old girl in the head, Pitbull owner revealed! 87-year-old man in Vlora prosecuted

12:33 BOTA

Irani vendos në zbatim marrëveshjen me Trump! Zhbllokohet Ngushtica e Hormuzit, kalojnë dy anijet e para

12:06 BOTA

How did Donald Trump lead the US into war with Iran? The talks are revealed, here's who was against it

Nga Irena Beqiraj 11:58 ideas

Cycle: Jobs for Albania! What did time prove to us for Air Albania?

Nga Irena Beqiraj

11:52 BOTA

Greek PM announces social media ban for children under 15

11:42 POLITICS

BIRN: Corruption has killed the economy. The AKSHI case and “Balluku” a symbol of systemic corruption in government

11:19 POLITICS

Change in the Ministry of Defense, Pranvera Skana takes over as Deputy Minister

11:07 BOTA

Serious in Greece! Two sisters found decomposed in their apartment

Want to read more news