English
Luaj me Fjalëkryq
Lajme flash

“Dikush më goditi nga pas", në ditët e fundit të shtatzënisë, aksidentohet modelja shqiptare

28 Prill 2025, 19:40 / SHOWBIZ ALFA PRESS

“Dikush më goditi nga pas", në ditët e fundit të

Në një periudhë të ndjeshme të jetës së saj, modelja dhe sipërmarrësja shqiptare Ardiana Lekaj përjetoi një aksident në një nga autostradat e Zvicrës. Në prag të lindjes së fëmijës së dytë, ajo u përfshi në një përplasje me tre makina dhe u detyrua të kërkonte ndihmë mjekësore.

Sipas “20 Minuten”, Ardiana tregoi në rrjete sociale se ishte goditur nga pas dhe kishte pësuar një tronditje të madhe. Ajo rrëfeu se megjithëse përpiqej të frenonte, automjetet që vinin pas saj nuk arritën të shmangnin përplasjen.

“Dikush më goditi nga pas në autostradë. Kam marrë një goditje të madhe në përgjithësi. Mezi arrita të frenoja, por njerëzit pas meje nuk mundën”, tha ajo, duke përshkruar incidentin, ku u përfshinë tre makina.

Për shkak të shtatzënisë së avancuar, Ardiana u dërgua menjëherë në spital. Mjekët konstatuan se rrahjet e zemrës së foshnjës fillimisht ishin të çrregullta – një situatë që, sipas saj, u shkaktua nga stresi dhe shoku i aksidentit. Përveç kësaj, ajo përjetoi kontraksione të shumta, duke qenë se ndodhet në javën e 36-të të shtatzënisë, një fazë delikate që mund të rrezikojë edhe shkëputjen e placentës.

Fatmirësisht, pas vëzhgimeve mjekësore, gjendja e foshnjës u stabilizua dhe rrahjet e zemrës u kthyen në normalitet. Megjithatë, përvoja la një gjurmë të thellë emocionale tek Ardiana, e cila pranoi se ishte shumë e tronditur dhe shpërtheu në lot.

Ky nuk është incidenti i parë për modelen gjatë kësaj shtatzënie. Më herët, ajo kishte përjetuar një aksident të lehtë në Stamboll dhe një episod tjetër gjatë Pashkëve, kur shpëtoi vajzën e saj Juna nga një pasqyrë që po binte.

Pas ngjarjes së fundit, Ardiana ka vendosur të ngadalësojë ritmin e përditshëm dhe të fokusohet te mirëqenia e saj dhe e bebit.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128