Fitonin para duke filmuar fshehurazi vajzat, kush është grupi i “videove të natës”, mes tyre edhe shqiptarë

Një hetim i BBC ka zbuluar se disa persona, mes tyre edhe dy vëllezër shqiptarë, kanë filmuar fshehurazi gra dhe vajza gjatë daljeve të natës dhe më pas i kanë publikuar videot në rrjete sociale për të gjeneruar shikime dhe të ardhura financiare.

Videot janë shpërndarë në platforma si YouTube, TikTok, Facebook dhe Instagram. Ato paraqiten si “video jete nate” apo “shëtitje”, por fokusi kryesor është te trupat e grave, shpesh nga kënde të ulëta, pa dijeninë ose pëlqimin e tyre.

BBC identifikoi rreth 50 gra që ishin filmuar në këto video. Shumë prej tyre deklaruan se nuk kishin qenë në dijeni dhe se publikimi i pamjeve i kishte bërë të ndiheshin të frikësuara dhe të poshtëruara. Një 21-vjeçare tha se ndihet e pasigurt dhe paranojake sa herë që del nga shtëpia.

Hetimi zbuloi më shumë se 65 kanale online me këtë lloj përmbajtjeje, videot e të cilave janë parë mbi tre miliardë herë gjatë tre viteve të fundit. Pamjet janë regjistruar kryesisht në qytete të mëdha si Mançester, Londër, Oslo, Miami dhe Bangkok.

Gjatë investigimit, ekipi i BBC-së filmoi disa burra teksa regjistronin fshehurazi gra gjatë mbrëmjeve. Mes tyre u identifikuan edhe dy vëllezër shqiptarë, të cilët ishin parë duke filmuar në rrugët e Mançesterit. Njëri prej tyre është Florjan Reka, 35 vjeç, banues në Suedi, kanali i të cilit numëron rreth 200 milionë shikime dhe qindra mijëra ndjekës në YouTube dhe Facebook.

Sipas BBC-së, Florjan Reka e kishte regjistruar kanalin si biznes në Suedi, duke deklaruar se ushtron “aktivitete influenceri, marketingu dhe reklame”. Ai u pa duke filmuar gra në shoqërinë e vëllait të tij, Rolandit. Reka refuzoi të komunikonte me median britanike lidhur me akuzat.

BBC raporton se disa nga personat e identifikuar nuk janë ndjekur penalisht, pasi filmimi në hapësira publike nuk konsiderohet automatikisht vepër penale. Megjithatë, sipas një avokati të specializuar në abuzimin përmes imazheve, këto raste përbëjnë një “zonë gri” ligjore dhe mund të bien ndesh me ligjet për ngacmim.

Po ndodh...

18:38 BOTA

Princesha e kurorës e përfshirë në dosje, çështja ‘Epstein’ thellon krizën për Familjen Mbretërore të Norvegjisë

18:24 AKTUALITET

Moti i keq, shtyhen lundrimet nga Durrësi drejt Barit

18:10 AKTUALITET

KLGJ i kërkon Kuvendit të zgjidhë problemin e sigurisë në gjykata

17:42 AKTUALITET

Qeveria gati draftin e amnistisë penale: Lirim i menjëhershëm për 380 persona, kush përfiton ulje të dënimit dhe kush përjashtohet

17:25 BOTA

Nga çështja e Iranit te Tajvani dhe tregtia, Trump telefonatë me Xi Jinping: Marrëdhënia me Kinën, jashtëzakonisht e mirë

17:17 POLITIKË

Vijon përplasja/ SPAK i mbylli derën, Xhafaj i përgjigjet Brahos: Kemi të drejtë kontrolli

17:14 BOTA

Iu përmend emri në dosjen famëkeqe të Epstein/ Jay Z mendohet të ketë lënë Amerikën pas akuzave

17:06 BOTA

Spanja e Portugalia në alarm të kuq, mbërrin stuhia Leo, mbyllen shkollat nga frika e përmbytjeve

16:54 Fjalëkryq

Skemë kampionësh 4 shkurt

16:54 BOTA

Fotot/ Tjetër skandal s*ksual, këshilltari i Presidentit të Malit të Zi "marrëdhënie" me drejtorin e policisë

16:37 SPORT

Benzema prezantohet në ekipin e ri: Al-Hilal është si Real Madridi, por në Azi!

16:25 AKTUALITET

Lirohet nga burgu Xhelal Rraja, vëllai i ish deputetit të PS! Akuzohet si pjesë e grupit që do vriste Arben Ndokën

16:17 BOTA

I doli emri në dosjen “Epstein”, Bill Gates: U tregova budalla

16:09 BOTA

BE vendos një limit për toksinat pas tërheqjes së qumështit formulë nga tregu

Dua të lexoj më shumë lajme