English
Luaj me Fjalëkryq
Lajme flash

Ngjarja në Shkodër/ Vr*u gruan pas një konflikti në gjendje të dehur, arrestohet shtetasi amerikan

3 Maj 2025, 10:23 / AKTUALITET ALFA PRESS

Ngjarja në Shkodër/ Vr*u gruan pas një konflikti në gjendje

Policia e Shkodrës arrestoi një shtetas amerikan, 57 vjeç, i dyshuar për vrasjen e bashkëshortes së tij në lagjen “Vasil Shanto”, pas një konflikti në gjendje të dehur. Viktima, 54 vjeçe, humbi jetën në vend si pasojë e goditjeve me sende të forta dhe mjet prerës.

Ndërkohë, janë referuar në Prokurori edhe pesë raste të tjera: një 17-vjeçar që drejtonte motoçikletë pa leje, një 45-vjeçar që goditi një të moshuar, tre shtetas që kryenin ndërtime pa leje në Theth, dhe një konflikt për pronësinë e një toke në Malësi të Madhe.

Specialistët për Hetimin e Krimeve ndaj Personit në DVP Shkodër arrestuan shtetasin amerikan B. S., 57 vjeç, për veprën penale “Vrasja për shkak të marrëdhënieve familjare”, pasi: Më datë 02.05.2025, në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes.

Specialistët e Sektorit të Qarkullimit Rrugor referuan materialet në Prokurori ku nisi procedimi në gjendje të lirë për një 17-vjeçar, pasi u kap duke drejtuar motomjetin,pa leje drejtimi.

Specialistët për Hetimin e Krimeve të Komisariatit të Policisë Shkodër referuan materialet në Prokurori, ku filloi procedimi në gjendje të lirë për shtetasin S. L., 45 vjeç, banues në Shkodër, pasi dyshohet se ka goditur me grushte shtetasin F. H., 77 vjeç, për motive të dobëta.

Specialistët për Hetimin e Krimeve të Postës të Policisë Theth referuan materialet në Prokurori, ku nisi procedimi në gjendje të lirë për shtetasin K. G., 67 vjeç, banues në Theth dhe shtetaset D. B., 63 vjeçe, L. B., 34 vjeçe, te dyja banuese në Theth, pasi janë kapur duke kryer punime ndërtimi, pa leje.

Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori ku nisi procedimi në gjendje të lirë për shtetasin O. N., 37 vjeç, banues në fshatin Omaraj, pasi ka bërë kallëzim shtetasi B. M., 75 vjeç, se 37-vjeçari i ka pushtuar një sipërfaqe toke, me pretendimin se është e tija.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128