Lajme flash
Nga Kimete te Kos, por PD-ja u fundos
21 Nëntor 2025, 22:23 / IDE
Ndërsa Komisionerja e Zgjerimit të BE, Marta Kos, ndodhej këtë të premte në Tiranë në Samitin e Growth Plan së bashku me të gjithë liderët e Ballkanit Perëndimor, ka pasur përgjatë gjithë ditës një sulm të orkestruar nga të gjithë deputetët e Partisë Demokratike, duke tallur dhe stigmatizuar mbiemrin e saj. Në mungesë të Berishës, metafora e ‘bozës’ dhe ‘kosit’ u bë sot baltë prej tyre, sikur të ishin disa inatçorë që e shihnin shfaqjen nga jashtë dhe shanin ata që ishin brenda eventit.
Deklarata e Komisioneres së Zgjerimit sigurisht nuk ishte një qëndrim i saj personal, ashtu sikurse nuk ishin qëndrime personale dikur deklaratat e ambasadores së SHBA-ve në Tiranë, Yuri Kim.
Të parën e stigmatizuan si ‘kos’, të dytën si ‘kimete’.
Duken si humorist dhe sikur i gjejnë epitetet sipas shijes së Doktorit, por harrojnë se as njëra as tjetra nuk vijnë në Tiranë për të folur sipas qejfit dhe dëshirës së tyre. Koha e ka treguar një gjë të tillë.
“Kimeten”, e akuzuan me teori komploti, e tallën, e sulmuan me një energji që s’ua kemi parë as kundër Ramës. Thanë se kishte axhendë personale, se po i shërbente Sorosit, se ishte “e kapur”, “e blerë”, “e korruptuar”, se donte të shkatërronte PD-në. Ndërkohë, fraza e saj e famshme se “me Berishën do të hani bar”, nëse do kishin pak reflektim dhe mendim, do ishte vërtetuar katërcipërisht në ditët e sotme. Sot nuk ka asnjë dyshim. PD-ja ka mbaruar dhe barin dhe është futur në regjim ushqimor.
E njëjta logjikë u përsërit me komisioneren e zgjerimit të BE-së, Marta Kos. E akuzuan se është “zëdhënëse e Ramës”, “pro-qeveritare”, “e orientuar politikisht”, “me axhendë vetjake”.
Në mungesë të argumenteve, PD-ja sulmoi mbiemrin e saj. Një sjellje provinciale, që të kujton sarkazmat e rrugës, jo reagimet e një partie serioze.
Nëse PD-ja do të bëjë politikë, duhet të kuptojë më në fund se negociatat nuk varen as nga emri i komisioneres, e as nga “dashuria” e saj për Edi Ramën. Negociatat varen nga reformat, nga drejtësia, nga stabiliteti dhe nga performanca e shtetit shqiptar, të cilin opozita duhet ta ndihmojë duke qenë alternativë, jo duke u shndërruar nëproblem dhe në pengesë.
Hisotira e Yuri Kim që e tallën dhe e anatemuan duhet t’i shërbente PD-së për reflektim. Ndonëse ajo ka dalë ë pension, ndonëse në SHBA ka ndryshuar administrata, asnjë gjë nuk ka ndryshuar për liderin e tyre të shenjuar non grata dhe të bojkotuar totalisht nga faktori ndërkombëtar.
E njëjta histori duket se po përsëritet edhe me Marta Kos.
Dhe kur historia përsëritet dy herë, nuk është më tragjedi, është komedi.
PD-ja po fundoset për shkak të vetvetes, jo për shkak të Kos-it apo të Kim-it.
Po fundoset edhe se në vend që të mbrojë dhe inkurajojë drejtësinë, fillon me teori konspirative dhe theshethemnaja të denja për mejhanet e provincës.
Nëse nuk do të vënë mend dhe do vijojnë me këtë strategji, kanë për të ngelur përherë në fund të rreshtit, duke sharë e anatemuar ata që janë brenda,që festojnë për arritjet dhe shijojnë shfaqjen, ndërkohë që vetë do vetëkënaqet me këto gjetjet dhe sharjet tipike provinciale.
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128