Lajme flash
Iluminati/ E vërteta pas shoqërisë sekrete që tronditi botën
3 Prill 2026, 23:04 / MISTERE&KURIOZITETE
Një emër që për disa tingëllon si mit, për të tjerë si një forcë e padukshme që drejton botën nga hijet.
Por çfarë është në të vërtetë Iluminati? Një shoqëri sekrete reale e shekullit XVIII… apo një nga mitet më të mëdha moderne?
Nga themelimi në Bavari në vitin 1776, deri te teoritë që e lidhin me pushtetin global sot, historia e Iluminatit është një përzierje e fakteve, frikës dhe imagjinatës kolektive.
Në këtë artikull do të gjesh përgjigje të qarta për të gjitha pyetjet kryesore: Kush ishin vërtet Iluminatët? Çfarë synonin? A ekzistojnë ende sot? Dhe pse vazhdojnë të na magjepsin?
Është një emër që i është dhënë një shoqërie sa reale aq edhe fiktive. Kjo organizatë ka nxitur prej dekadash shumë teori konspirative. Jo pak njerëz që pretendojnë se ajo është një organizatë sekrete dhe misterioze që synon dominimin e botës, dhe që qëndron pas disa prej revolucioneve dhe vrasjeve më me rëndësi në historinë e botës.
Iluminati ishte në fillim një shoqëri sekrete e formuar në Bavari të Gjermanisë së sotme, dhe që ekzistoi në vitet 1776-1785. Grupi u frymëzua nga idealet e Iluminizmit, dhe u themelua nga profesori i jurisprudencës Adam Veishop.
Ai synonte të promovonte edukimin racional, filantropinë dhe të kundërshtonte bestytnitë dhe ndikimin fetar në shoqëri. Po ashtu ai u përpoq të ndryshonte mënyrën e drejtimit të shteteve në Evropë, duke zhdukur ndikimin e fesë tek qeveria, dhe duke u dhënë njerëzve një burim të ri “ndriçimi”.
Besohet se takimi i parë i Iluminatit bavarez u mbajt në një pyll afër Ingolshtadit më 1 maj 1776. Atje 5 burra hartuan rregullat që do të drejtonin shoqërinë sekrete. Synimet kryesore të grupit ishin ndikimi në vendimet politike dhe përçarja e institucioneve si monarkia dhe Kisha.
Frimasonët janë një organizatë e përbërë fillimisht nga gurgdhendësit dhe ndërtuesit e katedraleve të Mesjetës. Në disa vende, sidomos në SHBA, ka pasur historikisht shumë paranoja në lidhje me Frimasonët. Madje, në vitin 1828 u krijua një lëvizje politike me një kauzë të vetme, e njohur si Partia Anti-Masonike. Për shkak të rekrutimit origjinal në Iluminatin e Frimasonëve, dy grupimet janë ngatërruar shpesh me njëri-tjetrin.
Së pari duhet të kishit pëlqimin e plotë nga anëtarët e tjerë, të keni pasuri dhe një reputacion të mirë brenda një familjeje me norma. Anëtarësimi kishte edhe një sistem hierarkik. Pas hyrjes si ‘fillestar’, anëtari diplomohej në një ‘minerval’ dhe më pas një ‘minerval të ndriçuar’. Për t’u bërë një anëtar me të drejta të plotë duheshin kapërcyer 13 shkallë.
Ata përdorin rituale, shumica e të cilave mbeten të panjohura, dhe pseudonime për të mbajtur të fshehtë identitetin e anëtarëve. Për aq sa duhet, ritualet, i shpjegojnë një fillestari sesi mund të lëvizë në një nivel më të lartë brenda hierarkisë së shoqërisë.
Ata duhej të përpilonin një raport me të gjithë librat që kishin, të shkruanin një listë mbi dobësitë e tyre, dhe të zbulonin emrat e armiqve që kishin. Më pas, rishtari do të premtonte të sakrifikonte interesat personale për të mirën e shoqërisë.
“Syri i Zotit” një simbol që i ngjan një syri brenda një trekëndëshi – shfaqet në kishat anembanë botës, në ndërtesat masonike por edhe në kartëmonedhën amerikane 1 dollarëshe. Përveç Masonerisë, ai lidhet gjithashtu me Iluminatin si një simbol i kontrollit dhe mbikëqyrjes që grupi ka mbi botën.
Disa njerëz besojnë se Iluminati e kontrollon botën edhe sot, duke sugjeruar se ata janë aq të fshehtë sa pak njerëz janë të vetëdijshëm për këtë. Ndërsa shumë anëtarë të Iluminati u infiltruan tek Frimasonët dhe anasjelltas, është e vështirë të gjykosh suksesin e Iluminatit. Por shumica e historianëve besojnë se grupi origjinal pati vetëm një ndikim të moderuar.
Deri në vitin 1782, Iluminati ishte rritur në rreth 600 anëtarë, dhe këta përbëheshin kryesisht nga fisnikët e njohur gjermanë si Baroni Adolf von Knige që si një ish-Frimason, ndihmoi në formimin e organizimit dhe zgjerimit të grupit. Më vonë me të u bashkuan mjekë, avokatë dhe intelektualë. Disa pretendojnë se pjesë e shoqërisë ishte edhe shkrimtari i njohur Johan Volfgang Gëte, por mbi këtë pretendim ka ende diskutime.
Në vitin 1784, Duka i Bavarisë Karl Teodor,ndaloi krijimin e çdo lloj shoqërie jo të autorizuar më parë me ligj. Vitin që pasoi miratoi një dekret të dytë, që ndalonte Iluminatin. Gjatë arrestimit të anëtarëve të dyshuar të Iluminatit, u gjetën dokumente komprometuese (ide që mbronin ateizmin dhe vetëvrasjen), si dhe udhëzime për kryerjen e aborteve. Ai zbulim e çimentoi besimin se grupimi përbënte një kërcënim për shtetin dhe Kishën. Në atë moment u duk sikur Iluminati u zhduk, por disa njerëz besojnë se ai vazhdon të ekzistojë në fshehtësi.
Ai u shkarkua nga funksioni që mbante në Universitetin e Ingolshtadit. Pasi u internua nga Bavaria, e kaloi pjesën e mbetur të jetës së tij në Gota të Turingisë, ku edhe vdiq në vitin 1830.
Që nga momenti i shpërndarjes së tyre, rreth këtij grupimi nisën të qarkullojnë teori konspiracioni. Në vitin 1797, publicisti francez dhe prifti jezuit Augustin Barruel, pretendoi se shoqëritë sekrete si Iluminati kishin udhëhequr Revolucionin Francez.
Presidenti i parë i SHBA-së, Xhorxh Uashington, u shpreh në një letër 1 vit më vonë se kërcënimi i Iluminatit nuk ekzistonte. Më vonë pati pretendimet se presidenti i tretë i SHBA-së, Tomas Xheferson, ishte pjesë e këtij grupimi, edhe pse kjo mbetet e diskutueshme.
Në vitin 1963, u botua një tekst me titull ‘Principia Discordia’, që promovoi një sistem besimi alternativ të njohur si ‘Discordianism’. Duke bërë thirrje për anarkizëm dhe mosbindje civile, ndër ndjekësit e kësaj lëvizje ishte edhe shkrimtari Robert Wilson.
Disa ndjekës të ‘Discordianism’-it dërguan letra të rreme në revista dhe gazeta, duke pretenduar se ngjarje të tilla si vrasja e presidentit të SHBA-së, Xhon Kenedi, ishin të gjitha vepër e Iluminatit. Iluminati është lidhur gjithashtu me Satanizmin dhe ideale të tjera,të cilat ishin shumë larg atyre që promovoi grupimi origjinal bavarez në shekullin XVIII-të.
Ata që besojnë në teorinë e një Rendi të Ri Botëror, mendojnë se një grup elitar njerëzish po përpiqen të sundojnë globin. Presidentët e SHBA-së, dhe disa muzikantë të njohur, si Bijons dhe Xhej-Z, janë cilësuar si anëtarë të këtij grupimi. Por ata i kanë hedhur poshtë këto pretendime.
Iluminati: Fakt apo manipulim i mendjes kolektive? E vërteta është më pak spektakolare se teoritë: Iluminati ka ekzistuar si një grup i vogël intelektualësh.
Por ideja e tij ka mbijetuar sepse njerëzit kanë nevojë të besojnë se dikush “po tërheq fijet”.
Dhe ndoshta… kjo është fuqia e vërtetë e Iluminatit sot: jo si organizatë, por si ide që kontrollon imagjinatën./ bota.al
Po ndodh...
ide
Rilindja është Kapitalizmi i Katastrofës
Nga Klodian Tomorri
Pse tifozeria e Kosovës ishte aq e vdekur dhe mungonin simbolet kuqezi?
Nga Kreshnik Spahiu
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128