Lajme flash
Partizani mbron titullin në volejboll, mposht Skënderbeun në finale
28 Prill 2025, 18:51 / SPORT
Partizani është shpallur kampion i Shqipërisë në volejboll për meshkuj për edicionin 2024-2025.
Të kuqtë e Ylli Tomorrit e mbyllën 3-0 serinë e finaleve “play off” kundër Skënderbeut, duke bërë të tyrin trofeun më të rëndësishëm kombëtar në sportin e rrjetës.
Partizani triumfoi me rezultatin 3-0 (25-13, 25-15, 25-15) në finalen e tretë kundër korçarëve, takim i zhvilluar këtë të diel në Farkë. Një ndeshje pa histori, e dominuar tërësisht nga kryeqytetasit, të cilët i mbyllën llogaritë për 71 minuta.
Ky ishte titulli i dytë radhazi kampion për Partizanin, i 17-ti në histori për klubin kuq.
Kujtojmë që ky ka qenë një sezon perfekt për Partizanin, me skuadrën e Ylli Tomorrit që fitoi çdo trofe të mundshëm, plot 5 të tillë, ku përveç titullit, në muzeun e klubit janë vendosur edhe Kupa e Shqipërisë, Kupa e FSHV-së, si dhe dy trofetë mbarëkombëtare si Liga “Gjergj Kastrioti” dhe Kupa “Pavarësia”.
Po ndodh...
E djathta mes pasqyrës së Berishës dhe Bashës!
Nga Ermal Peçi!
ide
Kolapsi moral dhe politik i PD-së
Nga Blendi Kajsiu
Nuk mund të serviret më si premtim, ajo ç’ka përbën detyrim
Nga Mimoza Çelçima
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128