English
Luaj me Fjalëkryq
Lajme flash

Pritet transferimi te Reali, lojtari i Liverpoolit njofton largimin pas 20 vitesh

5 Maj 2025, 15:47 / SPORT ALFA PRESS

Pritet transferimi te Reali, lojtari i Liverpoolit njofton largimin pas 20

Trent Aleksandër-Arnold ka njoftuar zyrtarisht se do të largohet nga Liverpooli. Pas 20 vitesh në klub dhe 9 vite tek ekipi i parë, mbrojtësi i djathtë ndan rrugët me kampionët e Anglisë.

26-vjeçari ka shpërndarë një video përmes rrjeteve sociale. E ardhmja e tij ndërkohë pritet te Real Madrid ku prej muajsh dërgohet nga zërat e shumtë.

“Pas 20 vitesh në klubin e Liverpulit, tani është koha që unë të konfirmoj se do të largohem në fund të sezonit.

Ky është vendimi më i vështirë që kam marrë ndonjëherë në jetën time.

E di që shumë prej jush kanë pyetur veten pse ose janë frustruar që nuk kam folur ende për këtë, por synimi im ishte gjithmonë të mbaja fokusin tim të plotë në interesat e skuadrës, e cila ishte të siguronim titullin e 20-të.

Ky klub ka qenë e gjithë jeta ime, e gjithë bota ime, për 20 vjet. Nga Akademia e deri më tani, mbështetja dhe dashuria që kam ndjerë nga të gjithë brenda dhe jashtë klubit do të qëndrojnë me mua përgjithmonë. Unë do të jem përgjithmonë në borxh ndaj të gjithëve.

Ky vendim ka të bëjë me përjetimin e një sfide të re, duke e nxjerrë veten nga zona ime e rehatisë dhe duke e shtyrë veten si profesionalisht ashtu edhe personalisht.

Unë kam dhënë gjithçka nga vetja çdo ditë që kam qenë në këtë klub.

Nga thellësia e zemrës sime, i falënderoj të gjithë, trajnerët e mi, menaxherët e mi, shokët e skuadrës, stafin dhe mbështetësit tanë të jashtëzakonshëm për 20 vitet e fundit.

Jam bekuar mjaftueshëm për të realizuar ëndrrat e mia këtu. Dashuria ime për këtë klub nuk do të vdesë kurrë”, shkruan lojtari i Liverpulit.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128