Lajme flash
Konsumatorët të shqetësuar nga çmimet e Conad Albania, dyfish më shtrenjtë se në Itali
4 Mars 2026, 16:44 / AKTUALITET
“Artistë në cilësi”! Besoj se shpesh e keni dëgjuar këtë fjali në reklamat televizive për rrjetin e marketeve Conad Albania, e cila është promovuar shpesh edhe nga VIP-at shqiptarë. Deri këtu çdo gjë është në rregull: një biznes që reklamon produktet e veta në markete.
“Edhe Conad, dy-fish nga Conad Itali”, shkruajnë qytetarët apo edhe komente të tjera.
Po ashtu edhe në faqen e Conad ka shumë ankesa për çmimet.
Por kush e zotëron rrjetin e marketeve Conad Albania?
Brandi Conad është prezent në Shqipëri që në vitin 2007 dhe më pas u ristrukturua me krijimin e kompanisë Conad Albania si përfaqësues ekskluziv i Conad në vitin 2012, i cili tashmë numëron dhjetëra pika marketesh në të gjithë vendin.
Sipas të dhënave zyrtare në QKB, administrator i brandit është Alessandro Rosa, ndërsa zotërues prej 70.85% te pronësisë është Luan Leka me 34% të kapitalit në formë direkte dhe me 36.85% të kapitalit në formë indirekte si ortak për 67% të kapitalit të “E. H. W.” Shpk. Ndërsa vetë E.H.W ka 55% të kapitalit të “CONAD ALBANIA”. Ndërsa kompania Conad Adriatiko Societa Cooperativa 11 % aksionere.
Kontrata e re e firmosur mes Conad Itali dhe partnerit shqiptar Conad Albania i jep të drejtën e përfaqësimit të brandit deri në vitin 2033 për Shqipërinë, Kosovën, Maqedoninë e Veriut dhe Malin e Zi.
Këtë herë ZËRI ka përzgjedhur rastësisht disa produkte në Conad Shqipëri për t’i krahasuar me Kosovën dhe me Italinë i cili është edhe vendi i origjinës së rrjetit të marketeve.
Shohim fillimisht çmimet me vendin e origjinës së brandit Conad.
Tabela tregon krahasimin e çmimeve të disa produkteve të përditshme midis Conad Albania dhe Conad Italia. Nga të dhënat duket se disa produkte janë më të shtrenjta në Shqipëri, ndërsa të tjera kanë diferenca më të vogla. Për shembull, pana kushton 44% më shumë në Shqipëri se në Itali, ndërsa shampo ka vetëm 8% diferencë. Produkte të tjera si makaronat, kosi dhe dardha tregojnë diferenca nga 18% deri në 46%. Ky krahasim tregon se çmimet mund të ndryshojnë ndjeshëm nga një vend në tjetrin, duke bërë që disa produkte të jenë dukshëm më të shtrenjta për konsumatorët shqiptarë.
Po me Kosovën? Le ta shikojmë!
Tabela tregon krahasimin e çmimeve të disa produkteve të përditshme midis Shqipërisë dhe Kosovës. Nga të dhënat shihet se shumica e produkteve janë më të shtrenjta në Shqipëri. Për shembull, kosi është 67% më i shtrenjtë në Shqipëri, ndërsa shampo ka një diferencë prej 50.4%. Produkte të tjera si pana, makaronat dhe Ajax gjithashtu tregojnë çmime më të larta në Shqipëri, me diferenca që variojnë nga 15% deri në 47%. Ky krahasim tregon se konsumatorët shqiptarë përballen me çmime më të larta për shumë produkte të zakonshme krahasuar me Kosovën.
Pas analizës së bërë, ZËRI-t iu drejtua me një kërkesë për informacion brandit Conad Albania, për ta pyetur lidhur me këtë shqetësim të përditshëm të qytetarëve: A po ndërmerr kompania ndonjë politikë të brendshme për të rishikuar çmimet? A adresohen ankesat e konsumatorëve për produktet me çmime të larta?Deri në këtë momenti të pubikimit të artikullit nuk kemi një përgjigje nga kompania!
Sipas INSTAT, ushqimet në vitin 2024 zinin gati 40% të buxhetit të familjeve, duke e bërë Shqipërinë vendin me peshën më të lartë në Europë për këtë tregues. Vendet e Bashkimit Europian zënë rreth 13% të buxhetit familjar, ndërsa vendet e rajonit rreth 35%.
Kujtojmë se para një viti në vendin tonë u zhvillua një fushatë bojkoti ndaj disa supermarketeve për shkak të çmimeve të larta, e titulluar “Çkemi Inspektor”, e udhëhequr nga Qendra Alert, një organizatë jofitimprurëse që merret me sigurinë ushqimore dhe mbrojtjen e konsumatorit. Fushata kundër rritjes së çmimeve nisi në Kroaci dhe më pas u përhap në vendet e tjera të Ballkanit. Në listën e marketeve për bojkot ishte edhe Conad Albania, çka tregon se prej më shumë se një viti ka pasur ankesa publike për këtë brand.
Rritja e vazhdueshme e çmimeve të produkteve ushqimore mbetet një nga shqetësimet kryesore të familjeve shqiptare, veçanërisht në një kohë kur pesha e ushqimeve në buxhetin familjar është ndër më të lartat në Europë. /ZËRI
Po ndodh...
Gjermania, “mallkimi” i Ramës dhe Berishës
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128