Makina iu hodh në erë në oborrin e shtëpisë në Selitë, pronari rezulto nipi i zv.prokurorit të Përgjithshëm dhe bashkëshort i administratores së AAPSK-së

Një shpërthim me lëndë plasëse ka tronditur kryeqytetin në orët e para të mëngjesit të ditës së sotme. Ngjarja ka ndodhur rreth orës 03:20, në zonë ne Selitës së Vogël, ku dy persona ende të paidentifikuar i kanë vendosur tritolin automjetit të shtetasit Dritan Jano.

Burime bëjnë me dije se Dritan Jano është nip i Thoma Janos, ish-prokuror dhe ish-përgjegjës për sektorin e përgjimeve në Prokurorinë e Përgjithshme. Po ashtu, ai është bashkëshorti i Dorina Jahos, administratore e Agjencive të Pasurive të Sekuestruara dhe Konfiskuara pranë Ministrisë së Brendshme, fakt që po konsiderohet si një tjetër pistë hetimi.

Vetë Dritan Jano, në deklarimet paraprake për grupin hetimor, ka mohuar të ketë konflikte personale, ndërsa hetuesit po fokusohen në disa pista, përfshirë edhe lidhjen e mundshme të ngjarjes me detyrën e mëparshme të xhaxhait të tij në sistemin e drejtësisë.

Nga të dhënat paraprake, autorët dyshohet se kanë qenë dy persona të maskuar, të cilët kanë lëvizur me dy automjete, duke u larguar menjëherë pas vendosjes së lëndës plasëse.

Policia bëri me dije më herët se në momentin e shpërthimit mjeti ka qenë i parkuar në oborrin e banesës së Janos. Nga shpërthimi janë shkaktuar vetëm dëme materiale, ndërsa fatmirësisht nuk raportohet për persona të lënduar.

“Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve”, njoftoi Policia më herët.

Kujtojmë se Thoma Jano, në dhjetor të 2019 është zgjedhur në rolin e zëvendësit të kryeprokurorit Olsian Çela. Ai e ka prekur kupolën e Prokurorisë, pas vitit 1997, kur punoi si kreu i prokurorisë së Tiranës, gjatë kohës që organi i akuzës drejtohej nga Arben Rakipi.

Gjithashtu në kohën e Fatos Nanos u emërua zv.ministër i Rendit Publik për të drejtuar sektorin e hetimeve.

Në kohën kur Prokuroria e Përgjithshme drejtohej nga Theodhori Sollaku dhe Ina Rama, Jano ka punuar si prokuror në Prokurorinë e Përgjithshme. Ndërsa më vonë ish-kryeprokurori Adriatik Llalla, e emëroi në sektorin e përgjimeve.

Po ndodh...

12:27 AKTUALITET

EMRI/ I akuzuar për kultivim të lëndëve narkotike, arrestohet në Mal të Zi 31-vjeçari shqiptar

12:06 POLITIKË

“Protesta e frikshme e Gones!” Braçe “tallet” me partinë “Mundësia” dhe Shehajn: 90 vetë 2 gërneta dhe pema

11:43 POLITIKË

Hap pas hapi/ Mbledhja me dyer të mbyllura e Këshillit të Mandateve, zbardhen diskutimet mes përfaqësuesve

11:36 SHOWBIZ

Cristiano Ronaldo investon në privatësi, klubi ekskluziv që ndalon telefonat dhe rrjetet sociale

11:28 AKTUALITET

Goditet grupi i drogës në Greqi, mes tyre edhe këngëtari nga Tepelena

11:17 POLITIKË

“Dil nga zyra dhe jep dorëheqjen"/ Me pankarta e tymuese, protestuesit kundër Ballukut para kryesisë së Kuvendit

11:11 AKTUALITET

Nis goditja/ SHBA miraton bllokime pasurie dhe ndalim vizash për aktorët destabilizues në Shqipëri dhe rajon

10:57 POLITIKË

SPAK këmbëngul për arrestimin e Ballukut, përfundon mbledhja e Këshillit të Ministrave

10:52 POLITIKË

"E vetmja formë", Berisha paralajmëron hyrjen në grevë urie

10:50 POLITIKË

Pse më shtyni?”/ Shehaj ‘përplaset’ me sigurinë në protestën e ‘Mundësia’ te mbledhja për Ballukun

10:42 AKTUALITET

Shpërthimi në makinën e 39-vjeçarit, zbardhet dëshmia e pronarit! Kamerat nxjerrin zbuluar 2 persona që mbërritën me dy automjete

10:39 POLITIKË

Skenaret/ SPAK kërkon arrestimin e Ballukut, zv.kryeministrja nuk do të marrë pjesë në mbledhjen e Këshillit të Mandateve

10:21 POLITIKË

“Tre musketierët” e SPAK-ut nisen drejt Kuvendit, ja kush janë prokurorët që do kërkojnë imunitetin e Ballukut

10:14 POLITIKË

SPAK kërkon arrestimin e saj, Balluku mbërrin në Kryeministri për mbledhjen e qeverisë

Dua të lexoj më shumë lajme