5 mijë ushtarë amerikanë largohen nga Gjermania si hakmarrje e Trump, Berlini: E kishim parashikuar

5 mijë ushtarë amerikanë po largohen nga Gjermania. Ky është rezultati i grindjes mes presidentit të Shteteve të Bashkuara, Donald Trump, me kancelarin Friedrich Merz, lidhur me luftën kundër Iranit.

Departamenti Amerikan i Mbrojtjes ka zyrtarizuar planin e tërheqjes, sipas asaj që raportojnë media si CNN apo BBC. Vendimi vjen vetëm një ditë pasi Trump kritikoi ashpër Merz, i cili deklaroi se Shtetet e Bashkuara ishin “poshtëruar” nga negociatorët iranianë.

Në reagimet e tij në rrjetet sociale, Trump tha se kancelari gjerman është “duke bërë një punë të tmerrshme”, dhe e akuzon për dështime në politikat e emigracionit dhe energjisë.

Zëdhënësi i Pentagonit, Sean Parnell, konfirmoi se urdhri për tërheqjen e trupave është dhënë nga sekretari i Mbrojtjes Pete Hegseth.

Sipas tij, vendimi është marrë pas një rishikimi të pranisë ushtarake amerikane në Europë dhe pritet të zbatohet brenda 6 deri në 12 muajve të ardhshëm.

Ministri i Mbrojtjes i Gjermanisë, Boris Pistorius, tha se vendimi i SHBA-së për tërheqjen e trupave ishte i parashikueshëm.

“Që trupat e Shteteve të Bashkuara do të tërhiqeshin nga Europa dhe nga Gjermania ishte e pritshme. Ne europianët duhet të marrim më shumë përgjegjësi për sigurinë tonë”, u shpreh ai në një reagim për mediat.

Aktualisht, SHBA ka mbi 36 mijë trupa aktive në Gjermani, duke e bërë atë praninë më të madhe ushtarake amerikane në Europë.

Një pjesë e konsiderueshme e tyre është e vendosur në bazën ajrore Ramstein. Trump ka sugjeruar gjithashtu mundësinë e tërheqjes së trupave nga Italia dhe Spanja, duke i kritikuar këto vende për mungesë mbështetjeje në operacionet për rihapjen e Ngushticës së Hormuzit.

Pistorius theksoi se prania ushtarake amerikane në Gjermani mbetet në interes të dyanshëm, pasi shërben si faktor parandalues kolektiv, sidomos në një kohë kur ambiciet e Rusisë perceptohen si kërcënim për Europën.

Ai shtoi gjithashtu se Shtetet e Bashkuara përdorin bazat e tyre në Gjermani për operacione që lidhen me politikën e sigurisë në Afrikë dhe Lindjen e Mesme, përfshirë edhe operacione në Iran.

Në të njëjtën kohë, Berlini ka nisur një program të gjerë për forcimin e ushtrisë së vet, me synimin për t’iu përgjigjur kërcënimit në rritje nga Rusia pas pushtimit të Ukrainës dhe për të reduktuar varësinë nga Shtetet e Bashkuara në aspektin e sigurisë.

Pavarësisht reduktimeve që nga fundi i Luftës së Ftohtë, prania ushtarake amerikane mbetet një shtyllë kyçe e sigurisë së Gjermanisë dhe NATO-s.

Po ndodh...

18:28 Fjalëkryq

Skemë kampionësh 2 maj

17:17 AKTUALITET

Përndoqi nëpërmjet rrjeteve sociale 21-vjeçaren, shpallet në kërkim i riu në Sarandë

16:58 Fjalëkryq

Schema libero 2 maggio

16:51 EKONOMI&SOCIALE

1 në 9 gra në Shqipëri nuk marrin shërbim shëndetësor

16:39 SPORT

Trajneri i ri nuk jep efekt, mposhtet Burnley, minuta për Brojën

16:25 POLITIKË

Çështja "Balluku"/ SPAK kontroll shtëpisë së Sokol Ballës, ja për çfarë dyshohet

16:18 BOTA

Irani rikthen tonet e luftës, komandanti i IRGC: Përplasja me SHBA-të do të fillojë sërish

16:05 SHOWBIZ

Sa është diferenca në moshë mes Vanesës dhe Indrit?

16:02 SHOWBIZ

Pritjes së ëmbël i erdhi fundi! Lori Hoxha dhe Vis Bajraktari bëhen prindër për herë të parë

15:55 SPORT

Koeficientët ‘tradhtojnë’ Superligën, matematika nxjerr zbuluar kampionatin "e dyshimtë"

15:44 AKTUALITET

Tentoi të vidhte një motomjet në Vlorë, arrestohet në flagrancë 20-vjeçari

15:25 SHOWBIZ

Vanesa shpërthen në lot pas takimit me nënën e Indritit, çfarë ndodhi?

15:11 AKTUALITET

Matura Shtetërore 2026, hapen aplikimet formularin A1/A1Z

15:01 POLITIKË

Akuza/ Berisha: Një televizion mendon se nëpërmjet Salianjit të rregullojë marrëdhëniet me Edi Ramën

Dua të lexoj më shumë lajme