Lajme flash
Një ditë para “furtunës”! Deputetët demokratë kalojnë të dielën në rrugët e Tiranës, thirrje qytetarëve për pjesëmarrje masive në protestë
21 Dhjetor 2025, 17:52 / POLITIKË
Deputetët e Partisë Demokratike shfrytëzuan këtë të diel për të zbritur në terren, duke intensifikuar takimet me qytetarët në disa zona të Tiranës, në prag të protestës së thirrur për ditën e hënë përballë Kryeministrisë.
Përfaqësues të opozitës u angazhuan gjatë gjithë ditës në biseda me banorë dhe biznese, ku theksi u vendos te pakënaqësitë e akumuluara ndër vite, skandalet e njëpasnjëshme qeveritare dhe kriza politike e ekonomike që, sipas tyre ka prekur çdo shtresë të shoqërisë.
Në Njësinë Administrative nr. 10, deputetja Elda Hoti, së bashku me Klevis Balliun, zhvilloi takime me qytetarë, duke i ftuar ata të bashkohen në protestën e së hënës në orën 18:00. Mesazhi i tyre u përqendrua te nevoja për reagim qytetar ndaj asaj që opozita e cilëson si keqqeverisje, korrupsion dhe lidhje të pushtetit me krimin.
Ndërkohë, Jorida Tabaku e fokusoi thirrjen e saj te bizneset, duke ngritur shqetësimin për barrën e rëndë fiskale dhe klimën e korrupsionit që, sipas saj ka shoqëruar qeverisjen gjatë 12 viteve të fundit.
Edhe Belind Këlliçi zhvilloi takime në Njësinë 9, duke vënë në dukje rritjen e gatishmërisë së qytetarëve për të dalë në protestë. Sipas tij, situata politike dhe sociale ndodhet në një pikë kritike, e nxitur nga skandale dhe pakënaqësi të thella ndaj qeverisë aktuale.
Po ndodh...
Po vjen Republika e Re që shpalli Basha, përpara 10 vitesh!
Nga Erion Delvina
ide
SHBA dhe Trump, firmosin ndëshkimin për Ramën dhe Berishën
Nga Ermal Peçi
"Dënim paraprak për Belinda Ballukun", përgjigje për Baton Haxhiun
Nga Blendi Kajsiu
Teatri që fsheh prapaskenën
Nga Patrik Sadikaj
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128