Lajme flash
Dëmtim i rëndë për Marcus Rashford, sezoni i tij mund të ketë përfunduar
28 Prill 2025, 18:29 / SPORT
Lajme të këqija për Marcus Rashford. Sulmuesi i Aston Villa-s, i huazuar nga Manchester United, rrezikon të humbasë pjesën e mbetur të sezonit për shkak të një dëmtimi në bicepsin femoral.
Sipas BBC, problemi fizik që e mbajti jashtë në gjysmëfinalen e FA Cup të humbur ndaj Crystal Palace është ende në vlerësim, por shanset për një rikthim të shpejtë janë të pakta.
Edhe pse nuk përjashtohet krejtësisht mundësia e një rikthimi përpara fundit të Premier League, është më e mundshme që Rashford të fokusohet në rikuperim në funksion të angazhimeve me Kombëtaren në muajin qershor, ku Anglia ka planifikuar një ndeshje kualifikuese për Botërorin kundër Andorrës dhe një miqësore ndaj Senegalit.
Nëse do të rikthehet më herët, ndeshja e fundit e sezonit për Rashford mund të jetë përballja ndaj Tottenham-it më 18 maj, pasi ai nuk do të jetë pjesë e sfidës së fundit të Aston Villa-s, pikërisht kundër Manchester United më 25 maj.
Sa i përket së ardhmes së tij, Rashford ka vendosur të mos diskutojë me asnjë klub deri pas përfundimit të verës.
Kontrata e tij me "Djajtë e Kuq" skadon në vitin 2028, megjithatë, sipas BBC-së, ai nuk pret të luajë sërish për United sa kohë që Ruben Amorim është trajner i ekipit.
Rashford u rikthye në Kombëtare në mars, në listën e parë të Thomas Tuchel si trajner i Anglisë, pas mungesës në Euro 2024.
Po ndodh...
E djathta mes pasqyrës së Berishës dhe Bashës!
Nga Ermal Peçi!
ide
Kolapsi moral dhe politik i PD-së
Nga Blendi Kajsiu
Nuk mund të serviret më si premtim, ajo ç’ka përbën detyrim
Nga Mimoza Çelçima
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128