English
Luaj me Fjalëkryq
Lajme flash

Rekord nga Manaj që “masakrohet”, 72 faulle ndaj sulmuesit të Kombëtares në Turqi

2 Maj 2025, 18:12 / SPORT ALFA PRESS

Rekord nga Manaj që “masakrohet”, 72 faulle ndaj sulmuesit

Në një sezon ku konkurrenca në Superligën turke është e ashpër, Rei Manaj ka dalë si një nga lojtarët më të dalluar, duke arritur një rekord të veçantë. Ai është sulmuesi, ndaj të cilit janë shkaktuar më shumë faulle deri tani në kampionat, duke kaluar edhe emra si Gedson Fernandes apo Silva i Beshiktashit dhe Fred i Fenerbahçes.

Në 25 ndeshje të luajtura, Manaj e sheh veten në krye të tablelës duke fituar 72 faulla gjithsej dhe bashkë me 11 golat e tij këtë sezon, po e bën atë një nga lojtarët më të rëndësishëm të Superligës.

Ky është një element që e bën Manaj të dalë në pah: ai është një lojtar që është gjithmonë në lëvizje, i gatshëm të shfrytëzojë çdo mundësi për të krijuar rrezik për mbrojtësit kundërshtarë. Për këtë arsye, ai ka fituar një numër të jashtëzakonshëm faullesh në çdo ndeshje.

Ky rekord i faulleve të fituara ka një rëndësi të madhe, pasi ai kontribuon jo vetëm në stilin e tij të lojës, por edhe në mënyrën si ai ndihmon skuadrën e tij, Sivaspor, për të fituar mundësi të mira për të realizuar gola. Sulmuesit që fitojnë faulle shpesh janë ata që lëvizin vazhdimisht dhe krijojnë mundësi.

E ARDHMJA- Edhe pse nuk ka shumë që ka rinovuar me Sivasporin, Manaj do të jetë një emër i kërkuar në merkaton e verës, pasi disa klube turke kanë kërkuar edhe më herët shërbimet e tij, por mundësitë qëndrojnë edhe për jashtë Turqisë. Gjithçka do të varet edhe nga shifra që do të ofrohet në arkat e klubit turk, që këtë sezon është në luftë për mbijetesë.

KOMBËTARJA- Në fundin e muajit maj do të nisë edhe grumbullimi i Kombëtares shqiptare për dy ndeshjet e fillimqershorit, ku përballë do të jetë Serbia dhe Letonia. Manaj është një nga ata sulmues që Silvinjo është mbështetur shpesh dhe një nga kandidatët më seriozë për të udhëhequr sulmin e Shqipërisë.



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128