Lajme flash
Samiti i Komunitetit Politik Evropian/ Rama në konferencë me kryeministren e Danimarkës: Përfaqësojmë një treg 600 milionësh, ta shndërrojmë këtë potencial në rezultate pozitive
16 Maj 2025, 19:27 / POLITIKË
Kryeministri Edi Rama, në një konferencë të përbashkët me kryeministren daneze Mette Frederiksen pas përfundimit të Samitit të Komunitetit Politik Evropian në Tiranë, theksoi rëndësinë e diskutimeve të zhvilluara mes vendeve anëtare dhe joanëtare të BE-së mbi të ardhmen e kontinentit.
“U mblodhëm bashkë anëtarë të BE-së dhe joanëtarë për të zhvilluar një diskutim të rëndësishëm, intensiv dhe të hapur mbi një Evropë të re në një botë të re, që ishte edhe titulli i këtij Samiti,” u shpreh Rama.
Kryeministri vuri në dukje se samiti solli një “përkushtim të ripërtërirë” ndaj parimeve dhe vlerave evropiane. Ai theksoi rëndësinë e mbrojtjes së qytetarëve dhe të ardhmes së përbashkët, duke investuar më shumë në novacion dhe në fusha që përfshijnë si vendet brenda BE-së ashtu edhe ato që nuk janë ende pjesë e saj apo nuk do të jenë kurrë.
“Në fund, pati përfundime shumë interesante që do të çohen më tej nga pala daneze. Vendosëm gjithashtu krijimin e një skuadre bashkërenduese të Komunitetit Politik Evropian, nën kujdesin e zyrës së Presidentit të Këshillit Evropian,” tha Rama.
Duke u ndalur te dimensioni ekonomik, ai nënvizoi rëndësinë e bashkëpunimit rajonal dhe evropian: “Së bashku përfaqësojmë një treg 600 milionësh me një potencial masiv. Na takon ta shndërrojmë këtë potencial në rezultate pozitive për njerëzit tanë dhe për komunitetin e vendeve me mendësi të përbashkët.”
Po ndodh...
Kauza ishte dhe është e drejtë!
Nga Ermal Peçi
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128