Lajme flash
Musaka me patate dhe presh
2 Qershor 2026, 09:55 / RECETA ALFA
Përbërësit:
500 gr patate
200 gr presh
3 karrota
250 gr mish i grirë
2 qepë mesatare
1 lgj salcë domate
3-4 lgj vaj ulliri
1 tufëz majdanoz
Kripë, piper, rigon
Për beshamelin:
500 ml qumësht
4 lugë gjelle niseshte
1 lugë gjelle gjalpë
2 kokrra vezë
Kripë, piper, arrë moskat
Përgatitja:
Në një tigan ngrohni vajin dhe kaurdisni qepët e grira derisa të zbuten. Shtoni mishin e grirë dhe përziejeni derisa të marrë ngjyrë. Shtoni kripën, piperin, salcën e domates dhe rreth 100 ml ujë. Lëreni të ziejë për 5-10 minuta. Në fund shtoni rigonin dhe majdanozin. Lyejeni një tavë me pak vaj. Shtroni gjysmën e patateve të prera në feta të holla, spërkatini me pak kripë, sipër vendosni preshin e prerë në rrathë të hollë. Shtroni të gjithë mbushjen me mish dhe mbulojeni me pjesën tjetër të patateve. Hidhni pak ujë të nxehtë (sa të mbulohet vetëm shtresa e parë e patateve). Spërkateni sipër me pak vaj dhe vendoseni në furrë të parangrohur në 220°C për 35-40 minuta. Ndërkohë përgatitni beshamelin. Në një tas tretni niseshtenë me 100 ml qumësht të ftohtë dhe në tenxhere ngrohni pjesën tjetër të qumështit me gjalpin. Shtoni përzierjen e niseshtesë duke e trazuar vazhdimisht. Kur të trashet, hiqeni nga zjarri. Shtoni kripën, piperin dhe arrën moskat. Rrihni vezët dhe shtojini gradualisht duke i trazuar vazhdimisht. Nxirrni tavën nga furra, hidhni beshamelin mbi të gjithë sipërfaqen dhe vendoseni në furrë edhe 15-20 minuta, derisa sipërfaqja të marrë ngjyrë të artë. Lëreni të pushojë 10 minuta para se ta prisni.
Receta nga znj. Albana
Po ndodh...
Kuvendi i izolimit të madh të Sali Berishës
Nga Bato Kosova
ide
Ti vetëm ik!
Nga Irena Beqiraj
Një protestë kundër arrogancës së Ramës dhe agonisë së Berishës
Nga Indrit Gjyzeli
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128