Lajme flash
Ndoqi Milanin në tribunë, Igli Tare: Këtu, vetëm për të ndjekur ndeshjen
15 Maj 2025, 20:55 / SPORT
Igli Tare, ish-drejtori sportiv i Lazios dhe një nga figurat më të njohura të futbollit italian në fushën e merkatos, mund të rikthehet shumë shpejt në një rol drejtues në Serisë A.
Tare u shfaq në tribunat e stadiumit ‘Olimpico’ në Romë, në ndeshjen e finales së Kupës së Italisë mes Milanit dhe Bolognas, një prani që natyrisht ndezi menjëherë spekulimet për rolin e ri në horizont, sidomos duke marrë parasysh se Milani ka përballë një verë të rëndësishme sa i përket rikonstruktimit të skuadrës dhe përzgjedhjes së trajnerit të ri.
I pyetur nga gazetarët nëse prania e tij kishte të bënte me ndonjë kontakt konkret me drejtuesit e Milanit apo me një takim të mundshëm me përfaqësues të klubit, Tare u përgjigj shkurt dhe prerë:
“Jam këtu vetëm për të ndjekur ndeshjen.”
Megjithatë, heshtja diplomatike e ish-drejtorit të Lazios nuk ka ndalur zërat. Burime pranë ambientit të kuqezinjve raportojnë se emri i Tares është shumë i pëlqyer në ambientin drejtues të Milanit, për shkak të përvojës së tij mbi 15-vjeçare në Lazio, ku ka zbuluar dhe ndërtuar lojtarë si Sergej Milinković-Savić, Ciro Immobile, Luis Alberto, Felipe Anderson dhe shumë të tjerë.
Për më tepër, profili ndërkombëtar i Tares, njohja e thellë me tregjet ballkanike dhe gjermane, si dhe lidhjet e tij të forta me agjentë dhe klube në të gjithë Europën, përputhen me vizionin e Milanit për një projekt të qëndrueshëm, të ri dhe të bazuar në ‘scouting inteligjent’.
Po ndodh...
Zgjedhjet nuk i fitoi Rama, i humbi Berisha
Nga Blendi Kajsiu
ide
Prish shtëpi e bëj kasolle…
Nga Gentian Gaba
Berisha fitoi, ne humbëm!
Nga Ermal Mulosmani
Pasqyra u ngrit. Por shumëkush nuk deshi të shihte
Nga Neli Demi
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128