Lajme flash
Tifozët e Trabzonsporit janë të inatosur për trajtimin që po i bëhet Muçit në Turqi: Këtë nuk do ta harrojmë…
16 Mars 2026, 14:18 / SPORT
Tifozët e Trabzonspor janë në protestë për Ernest Muçin. Ose më saktësisht,nëpërmjet tij po vërtetojnë se si trajtohen klubet e Stambollit dhe si trajtohen klubet e tjera nga mediat vendase.
Shkak është bërë një gol i shënuar këtë fundjavë nga mesfushori i Beshiktashit, Orkun Kokçy në ndeshjen kundër Gençlerbirligi. Ai shënoi nga një kënd shumë i vështirë me një goditje dënimi, me një goditje padyshim spektakolare.
Në programe të ndryshme televizive, ky u cilësua si një nga golat më të bukur të sezonit dhe lëvdatat për futbollistin e Beshiktashit nuk kishin fund. Pikërisht kjo ka acaruar në kulm tifozët e Trabzonspor të cilët kanë pushtuar rrjetet sociale, duke e cilësuar standard të dyfishtë nga mediat kryesore në vend. Ata kanë kujtuar se disa javë më parë, Ernest Muçi kishte shënuar një gol të tillë për ekipin e tyre ndaj Koniaspor, nga një kënd edhe më i vështirë se ai i Kokçy, por nuk ishte vlerësuar në të njëjtën mënyrë. Përkundrazi, kishte kaluar si normalitet.
“Kur një gol i tillë vjen nga një skuadër e Stambollit, flitni për të për ditë me radhë, por kur një gol i ngjashëm vjen nga Trabzonspori, nuk jua ndjen të flisni. Historia e Trabzonsporit ka qenë gjithmonë për të dalë kundër këtyre standardeve të dyfishta dhe ne nuk do ta harrojmë këtë qasje tuajën”, shkruante një tifoz i Trabzonsporit në rrjetet sociale, mes komenteve të shumta për këtë çështje.
Po ndodh...
ide
Rishikimi i statutit dhe varka e mbytur e Berishës
Nga Alesia Balliu
A do ta bashkojë PS-në me PD-në drejtësia e re?
Nga Arbër Hitaj
Sovranizmi si gjethe fiku
Nga Namir Lapardhaja
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128