Lajme flash
EMRI/ Kërkohej për tentativë vrasjeje dhe armëmbajtje pa leje, arrestohet në Greqi 35-vjeçari nga Berati
29 Gusht 2025, 12:19 / AKTUALITET
Arrestohet në Greqi një 35-vjeçar shqiptar i kërkuar ndërkombëtarisht për tentativë vrasjeje dhe armëmbajtje pa leje.
Fatjon Shabanaj, me origjinë nga Berati, u lokalizua dhe u vu në pranga me qëllim ekstradimin drejt Shqipërisë. Ai akuzohet për një ngjarje të ndodhur në maj 2021 në fshatin Poshnje, ku dyshohet se ka qëlluar me armë zjarri ndaj një shtetasi, duke e lënë të plagosur.
Vijon bashkëpunimi intensiv me partnerët, për lokalizimin, kapjen dhe arrestimin me qëllim ekstradimin, të shtetasve të shpallur në kërkim ndërkombëtar.
Si rezultat i këtij bashkëpunimi, është finalizuar një tjetër fazë e operacionit ndërkombëtar “The Wanted”.
Falë informacionit të siguruar nga Departamenti i Policisë Kriminale në Policinë e Shtetit dhe shkëmbimit me Policinë greke, nëpërmjet Interpol Tiranës, u bë i mundur arrestimi në Greqi, me qëllim ekstradimin në Shqipëri, i shtetasit shqiptar F. Sh., 35 vjeç, lindur në Berat. (Fatjon Shabanaj)
Ky shtetas ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Berat, në vitin 2021, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.
Në muajin maj 2021, në Poshnje, Berat, shtetasi F. Sh. dyshohet se ka qëlluar me armë zjarri ndaj shtetasit I. I., i cili si pasojë është plagosur.
Interpol Tirana vijon bashkëpunimin me Interpol Athinën, për finalizimin e procedurave të ekstradimit të shtetasit F. Sh., në Shqipëri.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128