Lajme flash
Zelensky: Bisedimet për garancitë e sigurisë së Ukrainës duhet të kalojnë menjëherë në nivel udhëheqësish, Trump duhet të përfshihet
29 Gusht 2025, 16:17 / BOTA
Presidenti i Ukrainës, Volodymyr Zelensky, deklaroi sot se bisedimet për garancitë e sigurisë së vendit të tij duhet të kalojnë urgjentisht në nivelin e liderëve shtetërorë, duke përfshirë edhe presidentin e SHBA-ve, Donald Trump.
Zelensky sqaroi gjithashtu se Ukraina dhe aleatët e saj do të presin deri më 1 shtator, afat i vendosur më parë nga vetë Trump, për të parë nëse Rusia është e gatshme të marrë pjesë në një takim dypalësh që synon përfundimin e agresionit ushtarak.
Duke folur për gazetarët, presidenti ukrainas theksoi se “bisedimet për garancitë e sigurisë duhet të kalojnë sa më shpejt në nivelin e udhëheqësve”, duke shtuar se “presidenti Trump duhet të përfshihet” në to. Ai shtoi se javën e ardhshme planifikon të vazhdojë kontaktet me liderët evropianë në lidhje me angazhimet që i konsideron të krahasueshme me ato të NATO-s.
“Na duhet një arkitekturë e qartë për të gjithë,” tha Zelensky, duke nënvizuar se synon të zhvillojë një takim me Donald Trump për t’i paraqitur atij qëndrimet e Kievit.
Ai gjithashtu u bëri thirrje aleatëve të Ukrainës që të miratojnë zyrtarisht çdo marrëveshje për garanci sigurie nëpërmjet parlamenteve të tyre kombëtare.
“Ne duam garanci sigurie që janë juridikisht të detyrueshme. Nuk duam një tjetër Memorandum të Budapestit,” theksoi ai, duke iu referuar marrëveshjes së vitit 1994, me të cilën Ukraina hoqi dorë nga arsenali i saj bërthamor në këmbim të premtimeve për mbrojtje.
Sipas Zelensky-t, Ukraina dhe partnerët e saj kanë vendosur të presin deri më 1 shtator për të parë nëse Rusia do të pranojë të marrë pjesë në një takim dypalësh për t’i dhënë fund pushtimit. “Nëse Moska nuk reagon deri atëherë, presim një përgjigje të qartë nga partnerët tanë,” tha ai.
“Duam të shohim një vullnet të vërtetë nga Rusia për të marrë pjesë në bisedime. Nëse jo, presim një reagim nga partnerët tanë,” deklaroi ai.
Në një moment tjetër të deklaratës, Zelensky njoftoi se Rusia ka grumbulluar deri në 100,000 trupa pranë qytetit Pokrovsk, një zonë kyçe në lindje të Ukrainës. Situata në rajonin e Pokrovskut “është më shqetësuesja për momentin,” tha ai, duke theksuar se forcat ruse “po përgatiten për veprime të qarta sulmuese.”
-
Romanca midis Liam Neeson dhe Pamela Anderson ka mbaruar?
29 Gusht, 16:07 -
Aksident me vdekje në Kavajë
29 Gusht, 16:00 -
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128