Lajme flash
Trump i kërkon Kongresit amerikan shkurtime buxhetore për programet e ndihmës ndërkombëtare
29 Gusht 2025, 16:44 / BOTA
Presidenti i SHBA-së, Donald Trump, ka kërkuar nga Kongresi amerikan të miratojë shkurtime të reja buxhetore në vlerën e 4.9 miliardë dollarëve që do të prekin programet e ndihmës ndërkombëtare.
Sipas një deklarate të publikuar nga Shtëpia e Bardhë, kjo nismë përfshin fonde të Departamentit të Shtetit dhe të Agjencisë Amerikane për Zhvillim Ndërkombëtar (USAID), e cila tashmë është shpërbërë zyrtarisht dhe funksionet e saj janë integruar në Departamentin e Shtetit.
Në një letër të dërguar kryetarit republikan të Dhomës së Përfaqësuesve, Zyra e Buxhetit e Shtëpisë së Bardhë thekson se “Presidenti Trump do të vendosë gjithmonë Amerikën të parën”.
Demokratët kanë paralajmëruar se çdo përpjekje nga ana e Trump për të anuluar fondet e miratuara tashmë nga Kongresi do të shkatërrojë çdo mundësi për arritjen e një marrëveshjeje për të shmangur një “shutdown” të mundshëm të qeverisë pas 30 shtatorit.
Sipas raportimit të New York Post, 3.2 miliardë dollarë nga totali i shkurtimeve të propozuara prekin drejtpërdrejt fondet për USAID.
Kujtojmë se Trump, që pas rikthimit të tij në Shtëpinë e Bardhë, ka pezulluar financime të shumta që ishin parashikuar për ndihmën ndërkombëtare, duke ndjekur politikën e tij “America First” dhe duke reduktuar në maksimum përfshirjen financiare të SHBA-ve jashtë vendit.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128