English
Luaj me Fjalëkryq
Lajme flash

Merruni me Ramën e bëni pushim për kaq ditë që kanë mbetur në luftën ndaj Bashës!

5 Maj 2025, 17:49 / IDE NGA ALBAN DACI

Merruni me Ramën e bëni pushim për kaq ditë që

Lulzim Basha është i vetmi që nuk u largua nga PD për të krijuar një parti tjetër për qëllime pushteti! Atë tentuan dhe e detyruan me forcë dhe me ligj ta largonin! Ai është i vetmi që po e mbyllë këtë legjislaturë si deputet i Grupit Parlamentar të PD dhe po ashtu ka bërë rekurs për të marr legjitimitetin e PD!
Kjo do të thotë se e gjithë beteja politike e Bashës nga momenti i krizës së PD- jo për zgjedhje apo fajin e tij- është për parime dhe jo për pushtet personal! Megjithatë në mënyrë absurde është i vetmi që vazhdon të sulmohet pa pushim nga ata që e drejtojnë sot PD!
Në një subjekt politik ose në një forcë politike nuk duhet e nuk mund të jenë të gjithë në një mendje kundrejt lidershipit.
Basha ishte i detyruar të hynte në këto zgjedhje me një subjekt politik për të mos tradhtuar ata që i besuan dhe i qëndruan në mbështetje të vazhdueshme!
Nëse Basha nuk do e bënte këtë do të tradhtonte ata që i kanë besuar dhe i besojnë në qëndrimet e tij për një PD me orientim euroatlantik dhe në mbështetje pa kushte ndaj drejtësisë! Misioni që zgjodhi Basha është një ndër zgjedhjet më të vështira që mund të bëntë cdo lider, sepse dihej se rruga nuk do të ishte e shtruar me asfalt.
Nëse Basha do të kishte menduar karrierën e tij personale do i kishte rënë më shkurt sesa rruga që zgjodhi! Ai s’do të kishte marre asnjë vend dhe për pasojë do të vazhdonte të ishte kryetar i PD dhe ata që në fillimin e mbështeten dhe pastaj e braktisën do të vazhdonin të serviloseshin ndaj me të njëjtat doza ose edhe pak më shumë në pragun e zgjedhjen për të rikonfirmuar emrin e tyre në listat e mbyllura.
Më shumë se Basha askush tjetër nuk e ka ditë se me çfarë do të përballej me vendimin që mori, sepse më mirë se ai askush nuk e njeh liderin historik të PD! Marrëdhënie e tyre ka qenë më shumë speciale sesa vetëm një marrëdhënie e ngushtë politike.
Megjithatë, Bashës me siguri marrëdhënie e tij me Berishën ishte e bërë e tepruar dhe e padurueshme. Ai përtej problemit që lindi si pasojë e qëndrimit të SHBA-ve kishte dy rrugë:
- Të luante me dualizmin e lidershipit të tij që po i jepte kosto publike dhe po ashtu edhe për fitore të zgjedhjeve
- Të merrte në dorë lidershipin dhe të vazhdonte mes sfidave dhe problematikave reformimin e PD jo vetëm në kuptimin e organigramës, por edhe të imazhit dhe të modelit dhe qëndrimeve që lidheshin me çështjet e qasjes së këtij subjekti në raport me aleatët.
Basha me kurajë zgjodhi të rigjente vetën dhe për ta bërë këtë duhet të merrte vendime që do të kishin një kosto të madhe për atë së pari, por edhe me subjektin që përfaqësonte politikisht.
Nëse Basha do të kishte menduar vetëm për pushtetin e tij ose për karrierën e tij personale përtej dimensionit që duhet të kishte një lider, ai s’do të kishte marr asnjë qëndrim që në planin afatshkurtër do të kishin një kosto të madhe politike për të. Përkundrazi do të kishte vazhduar në heshtje duke u shtirur se pas vendimit të Dash nuk kishte ndodhur asnjë problem serioz me lidershipin e PD dhe kjo e fundit të vazhdonte në heshtje betejën e saj të rreme me “mullinjtë e erës”.
Përtej, kësaj Basha vazhdon të jetë, të paktën tre vitet e fundit lideri i vetëm që vazhdon të jetë koherent në qëndrimet e tij. Koherenca në politikë ka kosto, por siç ka thënë shpesh Basha është “Koha shëruese më e mirë” e ngjarjeve, qëndrimeve dhe vendimeve.
Edhe pse sulmi ndaj Bashës pikërisht nga ata që e konsideronin kryetar dhe lider ka qenë i vazhdueshëm dhe me të gjitha mjetet, ky i fundit me modelin e një lideri të moderuar nuk e ka përdorur për asnjë çast “hakmarrjen” edhe pse do të ishte krejt e pranueshme.
Përkundrazi, ai vazhdon të mos merret me Opozitë duke mos e sulmuar drejtpërdrejtë duke e përqendruar të gjithë aksionin e tij politik për të mundur Ramën.
Mendoj, se lufta që vazhdon nga brenda PD kundër Bashës, jo vetëm që nuk është i moralshëm, por është i dëmshëm në një front të përbashkët e pse me llogore të ndryshme për të mundur dhe nxjerrë në Opozitë PS e cila tashmë kërkon në një vend me demokraci të brishtë si Shqipëria një mandat të katërt. Është momenti që të merren me Ramën e të bëjnë një pauzë me luftën ndaj Bashës, sepse ka shumë gjasa që ky i fundit të jetë i dobishëm më shumë se kurrë pas zgjedhjeve të 11 Majit.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128