Erion Braçe kërkon interpelancë për ujërat e zeza të Tiranës

Deputeti socialist Erion Braçe ka kërkuar zhvillimin e një interpelance në Kuvend me ministrin e Infrastrukturës dhe Energjisë, Enea Karakaçi, për të raportuar mbi ecurinë e projektit për përmirësimin e sistemit të kanalizimeve në Tiranën e Madhe – një projekt i financuar përmes një kredie të Agjencisë Japoneze për Bashkëpunim Ndërkombëtar (JICA) që prej vitit 2008 dhe që synon ndërtimin e sistemit të trajtimit përfundimtar të ujërave të ndotura në kryeqytet.

Kërkesa e depozituar nga Braçe të hënën, më 20 prill, vjen pasi ai ka shfaqur ambicien për të kandiduar për postin e kryebashkiakut të Tiranës në zgjedhjet vendore të vitit 2027.

Tre dekada pas rënies së komunizmit, Tirana mbetet kryeqyteti i vetëm në Europë që nuk bën asnjë trajtim për rrjetin e vet të ujërave të ndotura, duke rrezikuar mjedisin dhe shëndetin e banorëve të saj.

Që prej vitit 2008, qeveria shqiptare ka shpenzuar dhjetëra miliona euro për ndërtimin e një impianti për trajtimin e ujërave të ndotura në Kashar, të financuar përmes një kredie japoneze. I vendosur në rrëzë të kodrave të Kasharit, impianti synonte të mbulonte një popullsi prej rreth 350 mijë banorësh – me një fazë të dytë të planifikuar për të zgjidhur plotësisht problemin e trajtimit të ujërave të zeza.

Megjithëse kanë kaluar gati dy dekada nga fillimi i projektit, ai nuk është përfunduar.

Projekti u kontraktua fillimisht në vitin 2014 për një vlerë prej rreth 81 milionë eurosh. Kontrata për zbatimin e tij iu dha kompanisë italiane “Construzioni Dondi” dhe asaj japoneze “Kubota Corporation”.

Por në vitin 2018, Ministria e Infrastrukturës dhe Energjisë vendosi ta ndërpresë kontratën në mënyrë të njëanshme, duke e përcjellë konfliktin në Gjykatën e Arbitrazhit në Londër. Në momentin e ndërprerjes së kontratës, punimet ishin realizuar në masën 70%, ose në vlerën e rreth 56 milionë eurove.

Gjykata Ndërkombëtare e Arbitrazhit në Londër e konsideroi vendimin për ndërprerjen e kontratës nga ana e Ministrisë së Infrastrukturës dhe Energjisë dhe Agjencisë Kombëtare të Ujësjellës-Kanalizimeve si të paligjshëm dhe e penalizoi shtetin shqiptar me një dëmshpërblim prej 13.5 milionë eurosh. /BIRN

Po ndodh...

17:33 POLITIKË

Meta ankohet në GJKKO për trajtimin në seancë, kërkon të mos qëndrojë i izoluar pas xhamave

17:22 AKTUALITET

Mbushën Britaninë me kokainë, 68 vite burg për trafikantët shqiptarë! Shënimet që i fundosën

17:03 Fjalëkryq

Skemë kampionësh 21 prill

16:37 AKTUALITET

Plagosje me thikë në Vlorë, një person në gjendje të rëndë (EMRI)

16:17 AKTUALITET

U dënua me 1 vit burg, Edison Memolla kërkon lirinë në Gjykatën e Lartë!

16:03 SHOWBIZ

“Më mirë të rrija brenda dhe mos të dilja”, Miri flet për herë të parë pas daljes nga BBVA: Ka një fluks shumë të madh komentesh

16:01 POLITIKË

“Tirana është objektivi im”, Alimehmeti përjashton kandidimin për kreun e PD

15:42 AKTUALITET

U plagosën rëndë pas shpërthimit të granatës, identifikohen dy të rinjtë nga Memaliaj që po luftojnë për jetën

15:40 AKTUALITET

EMRAT/ Gjenden të vrarë tre persona në Podgoricë, dy prej tyre dyshohet se janë vëllezër shqiptarë

15:17 AKTUALITET

Raporti alarmant për barnat, ilaçet që vijnë në Shqipëri me kosto dhe cilësi të ulët

15:15 SPORT

Çudia me Armando Brojën, çfarë po ndodh me sulmuesin e Kombëtares

14:54 AKTUALITET

Të riut në Tepelenë i shpërthen granata në dorë, dy persona nisen me urgjencë drejt Tiranës

14:52 KOSOVA

Vendimi për Naim Murselin, reagon vëllai i Liridonës: U vu drejtësi për Liridonën dhe fëmijët e saj!

14:42 POLITIKË

“Stop kontrolleve të befasishme”, Rama: Janë një shëmti e vërtetë, ju tregoj si duhet të inspektohen bizneset

Dua të lexoj më shumë lajme