Lajme flash
"Gjyqtarë maliqër"/ Rama i përgjigjet KLGJ-së: Mos më gjykoni mua, shikoni drejtësinë tuaj që lë shumë për të dëshiruar
29 Gusht 2025, 20:08 / POLITIKË
Pas reagimit të KLGJ-së, që paralajmëroi se sulmet ndaj gjyqtarëve cenojnë figurën e tyre dhe minojnë pavarësinë e drejtësisë, Kryeministri Edi Rama nuk hezitoi të kthejë përgjigje.
Ai akuzoi KLGJ-në se ka harruar misionin kryesor, të garantojë cilësinë e drejtësisë dhe të analizojë vendimet që dëmtojnë interesin publik, ndërsa ironizoi se “gjyqtarët nuk janë maliqër që bëjnë ç’të duan me ligjin”.
Në një postim në rrjetin social “X”, Rama shkruan do të dërgojë në KLGJ dhe ILD emrat e gjyqtarëve që, sipas tij, mbrojnë ndërtimet pa leje.
“U them anëtarëve të KLGJ-së të mos harxhojnë kohën duke gjykuar mua, por të përqendrohen tek puna e tyre që lë shumë për të dëshiruar,” u shpreh ai.
Lexova reagimin e KLGJ, organi më i lartë i vetëqeverisjes së gjyqësorit, lidhur me çka unë kam ndarë me publikun për disa vendime skandalozisht brutale në mbrojtje të zaptuesve të hapësirës publike dhe në dëm të rendit ligjor, interesit publik si edhe komuniteteve të cënuara drejtëpërdrejt nga këto vendime.
KLGJ i ka rënë shumë gjatë, duke harruar se roli i saj themelor është të shqetësohet për cilësinë e drejtësisë, si edhe të garantojë publikun se vendimet që merren nga gjykatësit në dëm të tij, nuk kalojnë pa u analizuar dhe gjykatësit nuk janë maliqër që bëjnë ç’të duan me ligjin në emër të pavarësisë.
KLGJ ka harruar gjithashtu se si instanca më e lartë e vetëqeverisjes së gjyqësorit, ka jo vetëm të drejtën po edhe detyrën të marrë seriozisht shqetësimet e palëve të cënuara nga vendime qorre të gjykatësve, të cilat në këtë rast janë të ububushme për nga mungesa e ndjeshmërisë ndaj interesit publik.
KLGJ ka harruar edhe të tjera gjëra më shumë rëndësi, por të paktën ka thënë një të vërtetë që më gjen shumë dakord, duke nënvizuar se “çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse”, gjë për të cilën e kam informuar në çdonjërin nga rastet publikun, se do të bëjmë duke iu drejtuar pikërisht KLGJ dhe ILD si “institucionet përkatëse”.
Duke e mbyllur me kaq për sot, u them anëtarëve të KLGJ të mos harxhojnë kohën e tyre për të gjykuar se si e bëj unë punën për të cilën më ka votuar populli shqiptar – gjykatësi im i përditshëm të cilit unë nuk kam se si të mos ia shpjegoj hapur pse nuk largohen njësoj si të tjerat ca ngrehina të paligjshme në mes të rrugës, që marrin mbrojtjen e pajustifikueshme të ca gjykatësve të pandjeshëm ndaj interesit publik – po të përqëndrohet tek puna e vet, që gjermësot le shumë për të dëshiruar në funksion të Shqipërisë 2030 në BE.
Pushteti që nuk lëshohet kurrë
Nga Namir Lapardhaja
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128