Lajme flash
Zelensky kundërshton kategorikisht propozimin për krijimin e një zone sigurie 40 kilometra mes Ukrainës dhe Rusisë
29 Gusht 2025, 21:40 / BOTA
Presidenti i Ukrainës, Volodymyr Zelensky, ka hedhur poshtë në mënyrë të prerë propozimin që thuhet se po shqyrtohet nga liderë evropianë për krijimin e një zone të sigurisë 40 kilometra të gjerë midis Rusisë dhe Ukrainës.
“Vetëm ata që nuk e kuptojnë realitetin teknologjik të luftës së sotme mund të propozojnë një zonë të tillë sigurie”, deklaroi ai të premten për gazetarët.
Lufta në Ukrainë është shndërruar në një konflikt të karakterizuar nga përdorimi masiv i dronëve nga të dyja palët. Sipas Zelensky-t, një lloj “zone sigurie” ekziston de facto pranë vijës së parë të frontit për shkak të kërcënimeve të vazhdueshme nga sulmet me mjete ajrore pa pilot.
Sipas Politico, liderët evropianë po shqyrtojnë mundësinë e krijimit të kësaj zone neutrale si pjesë e një marrëveshjeje paqeje mes palëve ndërluftuese. Propozimi thuhet se ka marrë dakordësinë e Moskës dhe mund të çojë në rritjen e numrit të trupave paqeruajtëse evropiane në terren.
Politico, duke cituar pesë diplomatë evropianë, thekson se kjo është vetëm një nga disa ide që po shqyrtohen nga zyrtarë ushtarakë dhe politikë për një skenar pas përfundimit të luftës ose për një armëpushim të mundshëm në Ukrainë.
Megjithatë, nuk ka ende një dakordësi të plotë për gjerësinë e zonës së sigurisë, ndërsa mbetet e paqartë nëse Kievi do të pranojë një plan të tillë, pasi mund të përfshijë edhe lëshime territoriale.
Shtetet e Bashkuara nuk duket se janë të përfshira aktualisht në këto diskutime.
-
Pesë tregues që paralajmërojnë se po shembet pushteti i Vuçiç
29 Gusht, 21:19 -
Pushteti që nuk lëshohet kurrë
Nga Namir Lapardhaja
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128