FLASH NEWS
Elon Musk humb një tjetër bashkëpunëtor, jep dorëheqjen bashkëthemeluesi i xAI
2025-08-14 19:36:07 / TRENDING
Igor Babuschkin, një nga bashkëthemeluesit e kompanisë së Elon Musk, xAI, ka njoftuar largimin e tij prej saj përmes një postimi në X.
Babuschkin udhëhiqte ekipet e inxhinierisë në xAI dhe ndihmoi në ndërtimin e një prej zhvilluesve të modeleve të Inteligjencës Artificiale, pak vite pas themelimit.
“Sot ishte dita ime e fundit në xAI, kompania në të cilën ndihmova të ngrihej në vitin 2023 me Elon Musk.
E kujtoj ende ditën kur takova Elon për herë të parë, folëm për orë të tëra mbi IA dhe çfarë mund të sjellë e ardhmja.
Të dy ndiemë se nevojitej një kompani e re IA me një tjetër lloj misioni.”
Babuschkin tha se arsyeja e largimit është themelimi i kompanisë së tij, Babuschkin Ventures që do të mbështesë kërkimet e sigurisë në IA dhe të mbështesë startup-e që “përparojnë njerëzimin dhe zbërthejnë misteret e universit.”
Ai përshkruan disa nga sfidat me të cilat u përball bashkë me Musk në ndërtimin e xAI.
Ai thekson se veteranët e industrisë e quajtën “të pamundur” synimin e xAI për të ndërtuar brenda tre muajsh superkompjuterin në Memfis, Tenesi.
Largimi i Babuschkin vjen në një periudhë pak të trazuar për xAI pasi kompania është ëprfshirë në disa skandale lidhur me chatbot-in Grok.
Megjithatë, ai shton se ndihet krenar për këtë periudhë të kaluar në kompani duke thënë:
“Mësova dy leksione të paçmueshme nga Elon: 1. Mos ki frikë të përveshësh mëngët që t’u hysh vetë problemeve teknike, 2. Ki një sens maniak emergjence”, tha ai.
Kujtojmë që në korrik, edhe CEO e platformës X, Linda Yaccarino dha dorëheqjen.
Happening now...
The Ukraine summit that ignored the tough questions
Nga Owen Matthews, SPECTATOR
ideas
top
Alfa recipes
services
- POLICE129
- STREET POLICE126
- AMBULANCE112
- FIREFIGHTER128