English
Luaj me Fjalëkryq
Lajme flash

Emigrantët rikthehen për Shëngjergj/ Festa e traditës dhe pranverës mbledh qindra vizitorë

7 Maj 2025, 13:58 / AKTUALITET ALFA PRESS

Emigrantët rikthehen për Shëngjergj/ Festa e traditës dhe

Banorë, vizitorë dhe emigrantë u mblodhën në Shishtavec për të festuar Shën Gjergjin, një festë tradicionale që shënon ardhjen e pranverës. Nën një atmosferë të jashtëzakonshme me muzikë, valle dhe gara me kuaj, e kthyen fshatin në një qendër të gjallë kulturore dhe turistike.

Kjo ditë e shenjtë, e cila përkujton fundin e dimrit dhe ardhjen e pranverës, mbledh çdo vit banorë, emigrantë të kthyer dhe vizitorë nga zona të ndryshme të vendit.

Tradita e festës nis një ditë më parë, më 5 maj, kur gratë e fshatit mblidhen për të kryer një nga ritet më të vjetra mbledhjen e degëve të mështeknës dhe luleve.

Qendra e fshatit u shndërrua në një arenë festive. Muzika tradicionale, kërcimet popullore dhe gara me kuaj, që mblodhi të rinj nga i gjithë rrethi, ishin pjesë e pandarë e atmosferës së gëzueshme.

Në mesin e pjesëmarrësve kishte shumë emigrantë, të cilët kishin zgjedhur të riktheheshin në vendlindje për të festuar me familjet e tyre.

Organizatori i kësaj feste tregon se është i lumtur për pjesëmarrjen e jashtëzakonshme ndërsa thotë se përveç ruajtjes së traditës, festa e Shën Gjergjit është shndërruar edhe në një mënyrë për të promovuar turizmin lokal dhe bukuritë natyrore të zonës

Një festë që ndërthur trashëgiminë, natyrën dhe mikpritjen, e ka kthyer Shishtavecin në një destinacion kulturor gjithnjë e më të njohur.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128