English
Luaj me Fjalëkryq
Lajme flash

Itali, burgim i përjetshëm për prindërit që vranë vajzën se nuk pranoi të martohej

18 Prill 2025, 23:12 / AKTUALITET ALFA PRESS

Itali, burgim i përjetshëm për prindërit që vranë

Gjykata e Apelit të Bolonjës dënoi me burgim të përjetshëm prindërit dhe kushërinjtë e Saman Abbas, vajzës e cila u vra 4 vite më parë në Itali. Nga ana tjetër, xhaxhai u dënua me 22 vjet burg.

Vajza 18-vjeçare pakistaneze u vra dhe u varros në një shtëpi në fermë pranë shtëpisë ku jetonte familja e saj në Novellara, në provincën e Reggio Emilia, natën midis 30 prillit dhe 1 majit 2021.

Sipas Gjykatës, e reja, e cila kishte refuzuar një martesë të detyruar, u vra nga e gjithë familja e saj.

Prokuroria e Përgjithshme kishte kërkuar burgim të përjetshëm për të pesë të pandehurit. Por në shkallën e parë, prindërit, Shabbar Abbas, Nazia Shaheen dhe xhaxhai Danish Hasnain ishin dënuar me burgim të përjetshëm, ndërsa kushërinjtë Noman Hulhaq dhe Ikram Ijaz ishin shpallur të pafajshëm.

Askush nuk e pranoi kurrë vrasjen, ata akuzuan njëri-tjetrin, por për gjyqtarët e apelit e gjithë familja është përgjegjëse për vrasjen e Saman Abbas. Katër vjet pas vdekjes së vajzës pakistaneze, Gjykata e Bolonjës, rrëzoi kryesisht dënimin e shkallës së parë dhe pranoi qëndrimin e prokurorisë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128