Lajme flash
Libri i ri trondit Shtëpinë e Bardhë: Biden shmangu testin për gjendjen mendore!
4 Maj 2025, 23:29 / BOTA
Një libër i ri politik hedh dritë mbi debatet e brendshme në Shtëpinë e Bardhë gjatë vitit 2024, duke zbuluar se ndihmësit më të afërt të presidentit Joe Biden shqyrtuan seriozisht mundësinë që ai t’i nënshtrohej një testi njohës, për të adresuar shqetësimet e ngritura për moshën dhe mprehtësinë e tij mendore.
Sipas librit “2024: Si e rimori Trump Shtëpinë e Bardhë dhe Demokratët e humbën Amerikën”, shkruar nga tre gazetarë politikë të njohur amerikanë dhe raportuar nga “New York Times”, diskutimi ndodhi në shkurt të vitit 2024. Megjithëse ndihmësit besonin se Biden do ta kalonte testin, ata vendosën kundër, nga frika se vetë fakti i testimit do të rriste dyshimet në publik për gjendjen e tij mendore.
Vendimi për të mos kryer testin do të rezultonte vendimtar. Në verë, Biden dështoi në një debat të rëndësishëm kundër Donald Trump, çka tronditi opinionin publik dhe rriti presionin brenda Partisë Demokratike. Nën trysni, presidenti u tërhoq nga gara për rizgjedhje dhe i hapi rrugën zëvendëspresidentes Kamala Harris.
Por edhe Harris nuk arriti të bindë votuesit dhe humbi në zgjedhjet presidenciale të nëntorit 2024, duke i dhënë Donald Trump një mandat të dytë në Shtëpinë e Bardhë.
Po ndodh...
E djathta mes pasqyrës së Berishës dhe Bashës!
Nga Ermal Peçi!
ide
Nuk mund të serviret më si premtim, ajo ç’ka përbën detyrim
Nga Mimoza Çelçima
Ne dhe Sali Kulla
Nga Edison Ypi
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128