Lajme flash
Rama falënderon Von der Leyen: Populli shqiptar foli me zë kumbues për ëndrrën e anëtarësimit në BE
14 Maj 2025, 12:42 / POLITIKË
Kryeministri Edi Rama falënderoi sot presidenten e Komisionit Evropian, Ursula von der Leyen për urimin për fitoren në zgjedhjet parlamentare të 11 majit.
Përmes një mesazhi në platformën “X”, Rama vlerësoi mbështetjen e Von der Leyen në këtë moment përcaktues në rrugën e Shqipërisë drejt Bashkimit Evropian.
“Faleminderit me gjithë zemër, e dashur Ursula! Fjalët Tuaja do të thonë shumë dhe mbështetja Juaj do të thotë edhe më shumë, veçanërisht në këtë moment përcaktues në rrugën e Shqipërisë drejt Bashkimit Evropian”, u shpreh kryeministri Rama.
Kryeministri vlerësoi se “ky nuk mund të ishte një moment më i mirë për t’Ju mirëpritur në Tiranë, menjëherë pasi populli shqiptar foli me një zë kumbues për ëndrrën e tij të madhe dhe vendosmërinë e palëkundur për t’u bërë anëtarë të plotë të familjes së BE-së brenda kësaj dekade”.
“E di që Shqipëria mund të mbështetet tek Ju dhe lidershipi Juaj. Dhe duhet ta dini se ne jemi plotësisht të vetëdijshëm: në këtë rrugë nuk ka dhurata për të kërkuar, vetëm merita për t’u fituar. Pra, po le të synojmë për më të mirën që do të vijë akoma! Gjithmonë bashkë”, shkruan Rama në mesazhin e tij falënderues.
Po ndodh...
E vërteta dhemb, hapini sytë!
Nga Erl Kodra
ide
Berisha fitoi, ne humbëm!
Nga Ermal Mulosmani
Pasqyra u ngrit. Por shumëkush nuk deshi të shihte
Nga Neli Demi
11 maji, referendumi për fundin e berishizmit
Nga Ervis Iljazaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128