Lajme flash
Publikohet ‘traileri’ i sezonit të tretë dhe të fundit të “Squid Game”, pamjet parashikojnë një fund dramatik
7 Maj 2025, 08:54 / TRENDING
Sezoni i tretë dhe përfundimtar i serialit më të ndjekur në historinë e Netflix, “Squid Game”, po afrohet me hapa të shpejtë. Një trailer i ri, i publikuar së fundmi, tregon atë që pritet të jetë kulmi dramatik i këtij fenomeni global.
Seriali mbetet ende prodhimi më i shikuar në platformë dhe ka vazhduar të thyejë rekorde edhe me rikthimin e sezonit të dytë në dhjetor 2024. Vetëm brenda javës së parë të publikimit, sezoni i dytë theu rekordin për më shumë shikime në javën e premierës dhe brenda tre ditëve, hyri në listën e serialeve më të ndjekura në Netflix (në kategorinë e serialeve në gjuhë jo-angleze), duke u pozicionuar në vendin e dytë me 192.6 milionë shikime — menjëherë pas sezonit të parë, që numëron 265.2 milionë.
Sezoni i tretë do të vazhdojë aty ku na la i dyti, me një fund tronditës. Gi-hun (Lojtari 456) kthehet përsëri në zemër të lojërave, tashmë me një qëllim të qartë: t’i shkatërrojë ato përgjithmonë. I ndjekur nga kujtimet e tradhtisë dhe humbjes së mikut të tij më të afërt, Jung-bae (Lojtari 390), ai përballet me rreziqe të reja – përfshirë edhe rikthimin e Front Man-it, i cili kishte infiltruar kryengritjen duke u maskuar si Lojtari 001.
Traileri i sapo publikuar hapet me një pamje të rojeve me veshje rozë, që mbajnë një kuti të zezë – të njëjtën që përdorej për trupat e lojtarëve të rënë. Ata e sjellin kutinë në zonën e pushimit të lojës, ndërsa lojtarët, të frikësuar dhe kuriozë, afrohen dhe e hapin. Brenda ndodhet Gi-hun. Ai zgjohet dhe menjëherë pamjet na transportojnë drejt fillimit të një loje të re.
Një makinë gjigante për topa çamçakëzi nis të hedhë topa të kuq dhe blu – simbolikë e fatit që do të përcaktojë sfidën e radhës. Rikthehen emra të njohur: Front Man, detektivi Hwang Jun-ho, si dhe lojtarët Myung-gi (Lojtari 333), Dae-ho (388), Hyun-ju (120), Yong-sik (007), Geum-ja (149), Jun-hee (222), Min-su (125), Nam-gyu (124) dhe roja rozë No-eul.
Teksa tensioni rritet, fundi i trailerit mbyllet me një zë misterioz – të qarat e një foshnje, duke lënë pas një atmosferë të rënduar dhe plot pyetje.
Sezoni i tretë i “Squid Game” premton të sjellë një përmbyllje intensive dhe emocionuese të një prej serialeve më të diskutuar të dekadës. Fansat në mbarë botën tashmë janë në pritje të asaj që do të ndodhë në këtë lojë të fundit.
Po ndodh...
E djathta mes pasqyrës së Berishës dhe Bashës!
Nga Ermal Peçi!
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128