English
Luaj me Fjalëkryq
Lajme flash

PS propozon zgjatjen e procesit të votimit deri në orën 22:00 në Vlorë, mblidhet Komisioni Rregullator për shqyrtimin e kërkesës

11 Maj 2025, 16:19 / POLITIKË ALFA PRESS

PS propozon zgjatjen e procesit të votimit deri në orën 22:00

Komisioni Rregullator pranë KQZ mblidhet në orën 17:00 për shqyrtimin e kërkesës ku propozohet që votimi për 55 qendra votimi, në qarkun Vlorë, të zgjatet deri në orën 22:00, për shkak të akvitetitit sportiv Giro D’Italia.

Kërkesa për vetëmbledhjen e Komisionit Rregullator është bërë nga Arens Çela.

Ky propozim është depozituar të shtunën pranë KQZ nga PS, ku kërkohet shtyrja e orarit të votimit deri në orën 22:00, ndërkohë procesi zyrtar mbyllet në orën 19:00.

KËRKESË: Për vetëmbledhjen e Komisionit Rregullator, për shqyrtimin e projektaktit “Për shtyrjen e orarit të votimit, për 55 qendra votimi, në Qarkun Vlorë, për zgjedhjet për Kuvend të datës 11 maj 2025″,

Komisionerit Shtetëror të Zgjedhjeve Z.Ilirjan Celibashi

E nderuar Kryetare e Komisionit Rregullator,

Të nderuar Anetarë të Komisionit Rregullator,

Me Vendimin nr. 1, datë 26. 10. 2020, Komisioni Rregullator ka miratuar Rregulloren për organizimin dhe funksionimin e Komisionit Rregullator”.

Në mbështetje të nenit 20, pika 1, të ligjit nr. 10019, datë 29.12.2008, “Kodi Zgjedhor i Republikës së Shqipërisë”, të ndryshuar, Komisioni Rregullator është organi kompetent për shqyrtimin dhe miratimin e projektakteve me karakter normativ, të përgatitura nga administrata e Komisionit. Qendror të Zgjedhjeve ose nga anëtarët e tij.

Neni 20, pika 1, shkronja “d” e Kodit Zgjedhor, parashikon kompetencën e Komisionit Rregullator për miratimin e Rregullores së mbledhjeve të Rregullatorit.

Nisur nga sa më sipër dhe në përputhje me nenin 16 të Rregullores, po ju paraqes këtë kërkesë, për vetëmbledhjen e Komisionit Rregullator, për shqyrtimin e projektvendimit “Për shtyrjen e orarit të votimit, për 55 qendra votimi, në Qarkun Vlorë, për zgjedhjet për Kuvend të datës 11 maj 2025”,

Anëtar i Komisionit Rregullator

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128