Lajme flash
Kriza humanitare, organizata përfundon aktivitetin e saj në Gaza: Nuk ka furnizime
8 Maj 2025, 07:21 / BOTA
Organizata bamirëse me seli në SHBA, World Central Kitchen, ka ndërprerë punën e saj në Rripin e Gazës, duke thënë se i kanë mbaruar furnizimet dhe se Izraeli po e bllokon ofrimin e ndihmës.
“Duke shërbyer gjithsej më shumë se 130 milionë vakte dhe 26 milionë bukë gjatë 18 muajve të fundit, World Central Kitchen nuk ka më furnizime për të gatuar ose pjekur bukë në Gaza”, njoftoi të mërkurën në një postim në platformën X.
Izraeli po përballet me presion ndërkombëtar në rritje për të hequr bllokadën e ndihmës që vendosi në mars pas rënies së një armëpushimi të mbështetur nga SHBA-të që kishte ndaluar luftimet për dy muaj.
Ndërkohë, ajo akuzon organizatat, përfshirë OKB-në, se kanë lejuar që sasi të mëdha ndihmash të bien në duart e luftëtarëve të Hamasit, të cilët thonë se po sekuestrojnë furnizime të destinuara për civilët dhe po i përdorin ato për forcat e veta.
World Central Kitchen u themelua nga shefi i kuzhinës i famshëm José Andrés.
Një sulm ajror izraelit në prill 2024 ndaj ekipit të WCK vrau shtatë punonjës të saj. Një tjetër anëtar i ekipit WCK u vra në një sulm nëntorin e kaluar. Izraeli tha se ishte një luftëtar i Hamasit.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128