Lajme flash
Chelsea, e vetmja skuadër në Premier League, që nis sezonin pa sponsor në fanela
15 Gusht 2025, 16:56 / SPORT
Chelsea bën përjashtim. Blutë janë i vetmi klub që e nis sezonin e Premier League pa një sponsor kryesor në fanelën e tyre.
Kjo është një gjë e rrallë këto kohë, veçanërisht pasi i vetmi klub tjetër anglez që e ka bërë këtë deri më tani, Nottingham Forest, sapo ka nënshkruar një kontratë me një kompani amerikane të lojërave të fatit.
Sipas BBC Sport, kjo anomali lidhet me faktin se Chelsea ka nisur "një proces konkurrues për të gjetur një sponsor për fanelën" dhe "dëshiron të bashkëpunojë me një partner afatgjatë".
Disa oferta i kanë mbërritur tani menaxhmentit të klubit londinez, i cili po i jep vetes kohë për të gjetur një partner ‘serioz’.
Chelsea, e cila u kualifikua për në Ligën e Kampionëve dhe mundi PSG-në (3-0) në finalen e Kupës së Botës për Klube, thuhet se synon një kontratë që u ofron atyre midis 70 dhe 75 milionë euro në sezon.
Një shumë që linja ajrore saudite Riyadh Air thuhet se është e gatshme ta paguajë dhe është favorite në marrëveshje, sipas BBC Sport.
Megjithatë, nuk ka arsye për t’u shqetësuar për Blutë, pasi ky skenar ka ndodhur që në fillim të dy sezoneve të fundit.
Sezonin e kaluar, kompania saudite e pasurive të patundshme Damac nuk u shfaq në fanelë deri në fund të prillit.
Kjo ndodhi edhe më vonë se marrëveshja e arritur për sezonin 2023-2024 me kompaninë amerikane të teknologjisë sportive Infinite Athlete.
Po ndodh...
Samiti për Ukrainën që injoroi pyetjet e vështira
Nga Owen Matthews, SPECTATOR
ide
Zoti Basha, Demokratët, Kombi dhe ‘Partia Demokratike e Shqipërisë’!
Nga Armend Gjana
Zjarrvënësi i Demokracisë, tradhtia që dogji të djathtën
Nga Naim Meta
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128