English
Luaj me Fjalëkryq
Lajme flash

FORMULA 1/ Ish-kampioni i botës, Hamilton: Jam i bindur, në 2026-ën fitojmë titullin

23 Gusht 2025, 12:38 / SPORT ALFA PRESS

FORMULA 1/ Ish-kampioni i botës, Hamilton: Jam i bindur, në

Me synimin e tij të vendosur në gjysmën e dytë të sezonit, Ljuis Hamilton nuk hezitoi të tregonte besimin e tij të plotë në projektin e Ferrarit për vitin 2026.

Pavarësisht performancës së tij në Hungari , ku ai kaloi vijën e finishit në pozicionin e 12-të në një fundjavë për t’u “harruar”, britaniku pranoi, në një bisedë me “F1.com”, se kishte mbajtur shënime për të ndihmuar ekipin të përfundonte thatësirën e tij për titull. I frymëzuar nga periudhat e tij fituese me MekLaren dhe Mercedes, ai u takua me krerët e secilit departament të ndryshëm për të dorëzuar dokumentet që kishte mbledhur.

“Kam zhvilluar shumë takime, kështu që kam thirrur shumë takime me shefat e ekipeve. Jam ulur me Xhon (Elkan, president i Ferrarit, Benedeto Vinjan (drejtor ekzekutiv i Ferrarit) dhe Fredin (Vasër, drejtor i ekipit Ferrari F1)”, shpjegon ai.

“U takova me kreun e zhvillimit të makinave, Loik (Serra) , por edhe me krerët e departamenteve të ndryshme, për të folur rreth motorit të vitit të ardhshëm, pezullimit të përparmë të vitit të ardhshëm, pezullimit të pasmë të vitit të ardhshëm , për gjërat që duam, si dhe problemet që kemi me makinën”, theksoi ai në fundjavë në Belgjikë.

Edhe pse shënimet përqendroheshin te makina e sezonit të ardhshëm, ato përfshinin edhe specifikime që duheshin përmirësuar këtë vit.

“Dokumenti tjetër kishte të bënte me vetë makinën, problemet aktuale që kam me të, disa gjëra që dua t’i përfshij në makinën e vitit të ardhshëm dhe të tjera që duhen punuar dhe ndryshuar për vitin e ardhshëm”, tha ai.

Përpara ditës në Budapest, Ljuis u pyet për dokumentet e lartpërmendura, konkretisht se çfarë përfshinin ato.

“Nuk mund t’ju them asgjë”, buzëqeshi ai fillimisht. “Duket se të gjithë pyesin për to, por është thjesht një dokument Uord”, vazhdoi më tej. Ai u pyet përsëri nëse shënimet ishin pozitive apo negative, të cilave ai iu përgjigj shkurt.

“Përsëri… Mendoj se e vetmja gjë që mund të them është se ekipi ka të gjithë përbërësit e nevojshëm për të fituar. Ata kanë të gjithë përbërësit e nevojshëm për të fituar Kampionatin Botëror”, pranoi Ljuisi. Megjithatë, numri “44” e di se vetëm “përbërësit” nuk janë të mjaftueshëm që Maranelo t’i japë fund një thatësire që i ka pllakosur që nga viti 2008. “Fjalë për fjalë ka të bëjë me rregullimin dhe funksionimin e qetë të gjithçkaje, pa stres, dhe kjo është ajo që të gjithë po përpiqemi të bëjmë”, përfundoi Hamilton.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128