Lajme flash
Juventusi nuk ndalet në merkato, bardhezinjtë e kanë seriozisht për yllin shqiptar
18 Gusht 2025, 15:07 / SPORT
Juventusi ka hyrë në bisedime me klubin francez të Lille për të arritur një marrëveshje të mundshme për transferimin e Edon Zhegrovës, raporton e përditshmja italiane Corriere dello Sport.
Bardhezinjtë po shpresojnë që në këtë operacion t’u vijë në ndihmë edhe ish-bashkëlojtari i shqiptarit te Lille, Jonathan David, i cili këtë verë është transferuar te “Zonja e Vjetër”.
Bianconerët duan të shtojnë një tjetër lojtar ofensiv në skuadër përpara mbylljes së merkatos, krahas synimit për rikthimin e Randal Kolo Muani nga PSG.
Përveç Juventusit, interes për sulmuesin anësor 26-vjeçar ka treguar edhe Olympique Marseille, që shihet si rivali kryesor në garë.
Zhegrova ka qenë në radarin e Juventusit që prej merkatos së verës së vitit 2024, kur drejtues ishte Cristiano Giuntoli, por atëherë u preferua të investohej tek Nico Gonzalez dhe Francisco Conceiçao.
Edhe Napoli kishte shfaqur interes gjatë dimrit të kaluar, duke e parë si zëvendësues të mundshëm për Khvicha Kvaratskhelia, i cili u transferua te PSG.
Tashmë, me Damien Comolli në krye të strategjisë së merkatos së Juventusit, emri i Zhegrovës është rikthyer fuqishëm në skenë. Madje, mediat italiane raportojnë se Nico Gonzalez mund të largohet për t’i hapur rrugë afrimeve të reja në sulm.
Po ndodh...
Samiti për Ukrainën që injoroi pyetjet e vështira
Nga Owen Matthews, SPECTATOR
ide
Zoti Basha, Demokratët, Kombi dhe ‘Partia Demokratike e Shqipërisë’!
Nga Armend Gjana
Zjarrvënësi i Demokracisë, tradhtia që dogji të djathtën
Nga Naim Meta
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128