English
Luaj me Fjalëkryq
Lajme flash

Merkato e Juves, tri goditje në horizont për Tudor

20 Gusht 2025, 15:03 / SPORT ALFA PRESS
Merkato e Juves, tri goditje në horizont për Tudor

Juventusi po punon intensivisht për të zh bllokuar një merkato që deri tani ka mbetur e ngurtë. Drejtuesit bardhezinj janë të bindur se pa largime me peshë nuk mund të ketë lëvizje të rëndësishme në hyrje. Kandidatët kryesorë për t’u sakrifikuar janë Dagllas Luiz dhe Niko Gonzalez, dy lojtarë që kanë treguar cilësi, por që sot shihen më shumë si burim të ardhurash sesa si pjesë kyçe e projektit.

Mesfushori brazilian, i afruar vetëm pak muaj më parë nga Aston Vila, ka humbur peshë në hierarkitë e Tudorit. Paga e tij e lartë dhe profili teknik që nuk përputhet plotësisht me idetë e trajnerit e kanë futur në listën e largimeve. Opsioni më konkret është ai i Notingham Forest, që ka hapur bisedime të drejtpërdrejta me Juventusin. Anglezet kanë shfaqur gatishmëri për një marrëveshje që mund të përfshijë fillimisht huazimin me detyrim blerjeje.

Shuma totale, mes tarifës fikse dhe bonuseve të lidhura me paraqitjet dhe objektivat, mund të kalojë 30 milionë euro. Një injeksion i tillë financiar do të ishte oksigjen i pastër për arkat e klubit torinez. Situata e Niko Gonzalez është disi më e komplikuar. Sulmuesi argjentinas, i afruar një vit më parë për të dhënë alternativë në krahët e ofensivës, nuk ka arritur të bindë plotësisht. Për Juventusin, vlera e tij rreth 30 milionë euro mund të kthehet në një kartë të rëndësishme negociuese.

Në horizont shfaqet një pistë interesante: shkëmbimi me Atletiko Madrid për Nahuel Molina. Lojtari i përfaqësueses argjentinase shihet si profili i duhur për krahun e djathtë të mbrojtjes, një rol që Tudorit i mungon prej kohësh.Operacioni do të kishte kuptim për të gjitha palët e përfshira.

Juventus do të siguronte një titullar në një rol të zbrazët, Atletiko do të shtonte në repartin e avancuar një lojtar të shpejtë dhe të gjithanshëm, ndërsa vetë lojtarët do të përfitonin nga një skenar i ri përpara një Botërori që po afrohet. Gonzalez kërkon më shumë minutazh dhe hapësirë për të treguar veten, ndërsa Molina e sheh rikthimin në Serie A si një trampolinë për të forcuar vendin e tij në kombëtaren argjentinase.

Pasi të sigurojë këto dy largime, Juventus ka planifikuar tre lëvizje në hyrje. Objektivat kryesorë mbeten një mesfushor me fizicitet, një mbrojtës i djathtë titullar dhe një element ofensiv i aftë të alternohet me lojtarët e tjerë. Për momentin emrat mbahen të fshehtë, por qartazi strategjia e klubit është e lidhur ngushtë me të ardhurat nga shitjet. Pa sakrifica nuk do të ketë përforcime. Merkatoja bardhezi hyn kështu në një fazë vendimtare. Largimet e mundshme të Dagllas Luiz dhe Niko Gonzalez nuk janë vetëm çështje taktike, por mbi të gjitha ekonomike. Vetëm duke liruar hapësirë në bilanc dhe në listën e pagave, Juventus do të mund të hyjë realisht në garë për lojtarët që mund ta rrisin nivelin e skuadrës.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128