English
Luaj me Fjalëkryq
Lajme flash

U përplas me shtyllën gjatë ndeshjes, sulmuesi i Nottingham Forest në koma

14 Maj 2025, 12:03 / SPORT ALFA PRESS
U përplas me shtyllën gjatë ndeshjes, sulmuesi i Nottingham

Sulmuesi nigerian i Nottingham Forest, Taiwo Awoniyi, është vendosur në koma të induktuar pas një ndërhyrjeje urgjente kirurgjikale për një dëmtim të rëndë abdominal, i pësuar gjatë ndeshjes kundër Leicester City, të dielën që kaloi.

Incidenti ndodhi kur Awoniyi u përplas me shtyllën e portës, teksa tentonte të dërgonte topin në rrjet pas një krosimi nga Anthony Elanga. Pavarësisht dhimbjeve të dukshme, lojtari vazhdoi lojën për 10 minutat e fundit të ndeshjes, pasi sinjalizoi stafit mjekësor se mund të luante.

Në deklaratën e dhënë të martën, Nottingham Forest konfirmoi se Awoniyi i ishte nënshtruar një operacioni të rëndësishëm dhe se po rikuperohej mirë. Sipas mediave britanike si BBC dhe Sky Sports, lojtari është futur në koma të induktuar si pjesë e procesit të rikuperimit.

Dëmtimi dhe trajtimi i tij në fushë shkaktuan debat të fortë, ku u raportua për një përplasje mes pronarit të klubit, Evangelos Marinakis, dhe trajnerit Nuno Espírito Santo. Sipas raportimeve, Marinakis kishte kundërshtuar vendimin e stafit mjekësor për të lejuar Awoniyi të vazhdonte ndeshjen.

Pas ndeshjes, Espírito Santo sqaroi se diskutimi me pronarin lidhej vetëm me vendimin mjekësor dhe jo me paraqitjen e skuadrës. Klubi, përmes një deklarate zyrtare, hodhi poshtë raportimet për një konfrontim mes palëve dhe kritikoi komentuesit për përhapjen e dezinformimit. Taiwo Awoniyi, që iu bashkua Forest nga Union Berlin në vitin 2022, ka shënuar 17 gola në 73 paraqitje në Premier League.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128