Opozita në Kosovë përçahet në zgjedhjen e kryetarit të Kuvendit. PDK: Votuam për zhbllokim. LDK: Gabim i pafalshëm

Kryetari i LDK’së, Lumir Abdixhiku, pas zgjedhjes së Dimal Bashës kryetar i ri i kuvendit të Kosovës, ka reaguar ndaj  PDK- së që  votoi Bashën.

Ai ka thënë se kjo është fitore e injorancës dhe gabim i pafalshëm i mbështetësve të saj.

“Kosova, siç se kishim menduar asnjëherë. Një fitore e injorancës dhe një gabim i pafalshëm i mbështetësve të saj. Gjithsesi ky është niveli i tyre. Kështu e projektojnë Republikën. Me këto vlera kanë zgjedhur të nderojnë dhe votuesit e popullin e Kosovës. LDK aspiron më lartë. Kosova duhet të aspirojë lartë. Aksidentet politike e triumfet e injorancës historike do të kapërcejnë. Dritë një ditë do të ketë”, tha ai.

Kryetari i PDK-së, Memli Krasniqi, tha se nuk është i lumtur që Dimal Basha sot është kryetar i Kuvendit, por ai tha se si PDK kanë mbajtur fjalën e dhënë. Por, ai tha se tha se Basha është zgjedhja e Vetëvendosjes për t’i përfaqësuar qytetarët në Kuvend.

“Nga fillimi kemi ofruar gatishmërinë tonë për ta votuar një kandidat që s’ka qenë pjesë e ekzekutivit të Albin Kurtit. Në momentin e parë kur u propozua Dimal Basha, ne kërkuam një konsultë 10 minutëshe me grupet tjera, para të gjithash me grupin e Vetëvendosjes ashtu siç kërkuam edhe sot që na u mohua përsëri për një arsye dhe një qëllim të vetëm: që t’iu themi propozone dikë që së paku nuk ndihen keq qytetarët e Kosovës me pa në krye të Kuvendit.

Megjithatë, Kurti dhe VV konsiderojnë që qytetarët e Kosovës më së miri i përfaqëson Dimal Basha. Në një situatë normale, në një botë paralele asnjëherë nuk do ta votonim dikë si Dimali në krye të Kuvendit. Ne kemi votuar për ta zhbllokuar situatën, për ta çarë bllokadën e Albin Kurtit dhe për t’i qëndruar besnik fjalës së dhënë publike, sepse për PDK-në edhe për mua personalisht, kjo është më e rëndësishmja.

Disa vlera morale që fatkeqësisht janë zbehur, para se gjithash nga Albin Kurti, që s’e ka mbajtur asnjë prej qëndrimeve që e ka pasë përgjatë viteve, ne të tjerët duhet t’i kthejmë. Fjalën që e kemi dhënë e mbajtëm sot. A jemi të lumtur që është Dimal Basha kryetar? S’besoj që janë të lumtur as deputetët e Vetëvendosjes. Ju i patë me fytyra të varura sepse ndoshta s’kanë besuar as që bëhet. Megjithatë, sot kemi kryetar të Kuvendit. Shpresoj shumë që të kemi edhe nënkryetarë”, tha Krasniqi

Po ndodh...

13:41 AKTUALITET

Humbën jetën tragjikisht në aksident, dy motrat shisnin misra në Sarandë për kurimin e vëllait me leucemi. Thirrja dëshpëruese e familjarëve

13:34 POLITIKË

A do të vazhdojë Gazmend Bardhi të jetë kryetar i Grupit Parlamentar?/ Berisha përgjigjet para gazetarëve: E kreu shumë mirë "misionin", më tej vendosin forumet!

13:13 BOTA

VIDEO/ Regjistrohet në SHBA fenomeni 'habub', stuhia masive e rërës mbulon qytetin

12:57 KOSOVA

Çfarë pritet të ndodhë pas zgjedhjes së kryetarit të Kuvendit?

12:56 AKTUALITET

Duhej të ishte në ‘arrest shtëpie’, 22-vjeçari kapet duke shitur drogë në Velipojë dhe me armë në makinë

12:26 AKTUALITET

Situata me zjarret, vihet nën kontroll vatra në Bogovë

12:01 SPORT

Juventus, kontakte të reja me Edon Zhegrovën. Si paraqitet situata mes dy klubeve

11:57 KOSOVA

Një 'amerikan' në krye të Kuvendit të Kosovës? Kush është kryeparlamentari i ri Dimal Basha?

11:54 BOTA

Bllokohen rrugë, digjen goma, protesta masive kundër Netanjahut në Izrael: Lironi pengjet në Gaza

11:32 KOSOVA

Më në fund! 7 muaj pas zgjedhjeve, Dimal Basha zgjidhet kryetar i Kuvendit të Kosovës

11:31 SPORT

“Valsi” i sulmuesve në Serie A, nga Napoli te Milan e Juve, “bigët” në kërkim të një “bomberi”

11:20 AKTUALITET

U vra nga bashkëshorti rreth 4 ditë më parë në Greqi, përcillet sot për në banesën e fundit Marjola Nakoleci

11:05 AKTUALITET

I akuzuar si pjesë e një grupi të trafikut të drogës/ U arrestua dy ditë më parë në malin e Tomorrit, GJKKO vendos për Dorian Beun

10:53 POLITIKË

Vdekja e dy motrave në aksident, Braçe: Ishte vrasje! Të ndryshojnë urgjent 2 ligje në Kodin Rrugor dhe Penal

Dua të lexoj më shumë lajme