English
Luaj me Fjalëkryq
Lajme flash

Gjurma e rrallë Egjiptiane! Studiuesit zbuluan një gjurmë dore mbi baltë, 4000-vjeçare

31 Korrik 2025, 20:10 / MISTERE&KURIOZITETE ALFA PRESS

Gjurma e rrallë Egjiptiane! Studiuesit zbuluan një gjurmë dore

Studiuesit britanikë kanë gjetur pranë një varri në Egjipt, një gjurmë të rallë dore njeriu. Gjurma mbi 4000 vjeçare mbi qeramikën e kuqe do të dërgohet në muze në Kembrixh, ku pritet të mbahet edhe një ekspozitë sa i përket zanateve të lashta egjiptiane.

Një gjurmë dore mbi 4,000-vjeçare është gjetur mbi një varr të lashtë egjiptian. Zbulimi u bë nga  studiuesit e Universitetit të Kembrixhit, të cilët besojnë se gjurma është lënë nga dikush para sesa balta e kuqe të thahej plotësisht.

"Ne kemi vërejtur gjurmë gishtash të lëna në llak të lagësht ose në një arkivol në dekorim, por është e rrallë dhe emocionuese të gjesh një gjurmë të plotë dore poshtë kësaj shtëpie shpirtërore. Kjo u la nga krijuesi i cili e preku atë para se balta të thahej. Nuk kam parë kurrë më parë një gjurmë dore kaq të plotë në një objekt egjiptian", - deklaroi Kuratorja e muzeut britanik, Helen Strudwick.

Sipas studiuesve, objekti daton nga viti 2055 deri në vitin 1650 para Krishtit, çka e bën këtë zbulim edhe më të rallë.

Qeramika do të ekspozohet si pjesë e ekspozitës së universitetit “Made in Ancient Egypt” në Muzeun Fitzwilliam, e cila do të hapet më 3 tetor. Ekspozita përqendrohet te zakonet dhe zanatet e lashta egjiptiane, ku dhe lloji I qeramikës së kuqe besohet se ishte ndër më të përdorurat.

Shtëpitë e ashtuquajtura të shpirtrave, zakonisht 2-katëshe ishin të ndërtuara me korniza druri  dhe të veshura me argjilë. Ato besohet se kanë shërbyer si një vend për varrosjen e të ndjerëve, ndërsa jashtë kishte dhe një hapësirë të posaçme për vendosjen e ushqimeve, si bukë, gjethe jeshile apo kokë kau.

Historitë e sundimtarëve egjiptianë, si Tutankhamuni, kanë marrë shumë vëmendje, por vetë krijuesit e artefakteve shpesh anashkalohen.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128