Lajme flash
Kryeministrja Meloni: Brenda javës riatdhesohen 25% e emigrantëve në Shqipëri
8 Maj 2025, 19:17 / AKTUALITET
Gjykatat italiane po i riatdhesojnë emigrantët, që kanë kryer krime në Itali, të cilët po qëndrojnë në kampet në Gjadër e Shëngjin dy qendrat e reja për përpunim dhe riatdhesim (CPR) në Shqipëri, tha dje kryeministrja, Giorgia Meloni në Senat duke kritikuar veprimet e magjistratëve.
“Ne kemi vendosur t’i përdorim qendrat e ndërtuara në Shqipëri si CPR të zakonshme, kështu që kemi filluar të transferojmë emigrantët e parregullt që presin riatdhesimin”, tha Meloni.
“Pas kësaj dispozite të re, disa gjykata duket se po urdhërojnë ritransferimin në Itali, ku emigranti bën një kërkesë për mbrojtje ndërkombëtare edhe kur kjo është qartësisht e pabazuar”, shtoi ajo.
“Nuk dua të krijoj polemika, por ndihem e detyruar të ndaj me ju kurrikulën e këtyre personave të cilëve duhet të shqyrtojmë dhënien e mbrojtjes ndërkombëtare. Pothuajse të gjithë emigrantët e transferuar në Shqipëri kanë kryer krime shumë të rënda, duke përfshirë vjedhje, grabitje, posedim të paligjshëm të armëve, tentativë vrasjeje, dhunë seksuale, akte të turpshme me një të mitur”, tha Meloni, raporton ANSA.
“Disa duan t’i mbajnë këta njerëz në Itali me çdo kusht, por ne duam t’i riatdhesojmë ata”, theksoi ajo. Ajo shtoi se deri në fund të kësaj jave më shumë se 25% e emigrantëve të mbajtur në Shqipëri do të jenë dërguar në shtëpi.
“Deri në fund të kësaj jave, mbi 25% e emigrantëve të mbajtur në Shqipëri do të jenë riatdhesuar në një kohë shumë të shkurtër, duke demonstruar se si po funksionojnë strategjia dhe procedurat që kemi zbatuar, pavarësisht përpjekjeve për t’i bllokuar ato për arsye qartësisht ideologjike”, tha Meloni.
“Ne duam një Itali, që më në fund është e aftë të zbatojë rregullat, të mos bëjë kompromis me ata që kryejnë krime dhe të mbrojë sigurinë e qytetarëve të ndershëm”, tha ajo.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128