Gjykata e Lartë e la përfundimisht në qeli, Erion Veliaj reagon si kryebashkiak: Do të ndjek rrugët ligjore, dua t’i shërbej Tiranës!

Një ditë pas vendimit të Gjykatës së Lartë, që la në fuqi masën “arrest me burg” për kryebashkiaun, Erion Veliaj, avokatët e tij ndërkombëtarë kanë reaguar, duke e cilësuar këtë veprim si një shkelje flagrante të të drejtave të njeriut dhe të një procesi të rregullt ligjor.

Në deklaratën e avokatëve, ka edhe një reagim të shkurtër të Veliajt, ku shprehet se do të ndjekë të gjithë rrugët ligjore dhe dëshiron t'i shërbejë Tiranës. Ai e shoqëron regimin me një fotografi ku shfaqet me shiritin e kryebashkiakut, si për të treguar se vijon të mbajtë këtë post, pas zërave se në Bashkinë e Tiranës do të ketë zgjedhje të parakohshme. Vetë Rama pak ditë më parë, (Ende pa u dhënë vendimi nga GJL), deklaroi se zgjedhjet për Tiranën në shtator varen nga zhvillimet për çështjen Veliaj. Gjykata e Lartë ishte shansi i fundit që Veliaj të dilte nga qelia dhe të kthehej në zyrën e tij. Reagimi ku shfaqet me shiritin e kryebashkiakut dhe se kërkon të vazhdojë ti shërbejë Tiranës, duket si një mesazh ndaj Ramës për të mos kërkuar zgjedhje të parakohshme për bashkinë e kryeqytetit në shtator, sëbashku me disa të tjera.

DEKLARATË E AVOKATËVE NDËRKOMBËTARË TË KRYETARIT TË BASHKISË SË TIRANËS, ERION VELIAJ, LIDHUR ME VENDIMIN E GJYKATËS SË LARTË

9 Korrik 2025, Tiranë: Dje, Gjykata e Lartë e Republikës së Shqipërisë vendosi që Erion Veliaj, kryetar i Bashkisë së Tiranës, do të qëndrojë në masën arrest me burg në IEVP Durrës, Shqipëri. Dëgjesa me dyer të mbyllura u mbajt në 8 Korrik 2025, në orën 12:00, pas shqyrtimit të dokumentave. Kryebashkiaku Veliaj hedh poshtë me vendosmëri çdo pretendim.

Pas rreth 5 muajsh qëndrimi në paraburgim dhe një hetimi thuajse dy vjeçar nga Prokuroria e Posaçme e Strukturës së Posaçme Kundër Korrupsionit dhe Krimit të Organizuar (“SPAK”), Kryebashkiakut Veliaj i mohohet ende aksesi me avokatët e tij ndërkombëtarë. Mbajtja në paraburgim e Z. Veliaj ka sjellë shumë shqetësime për familjen dhe miqtë e tij.

Burgosja pa akuzë e Z. Veliaj është miratuar më herët nga gjykatat pa kryer një vlerësim kuptimplotë nëse arrestimi i tij është i nevojshëm, proporcional apo i arsyeshëm, dhe pa vlerësimin e duhur të masave alternative ndaluese.

Daniel Fetterman, një ish prokuror federal në Shtetet e Bashkuara dhe partner i Kasowitz LLP, një nga firmat ndërkombëtare e cila së fundmi ka publikuar edhe një raport të përbashkët hetimor lidhur me burgosjen e paligjshme të Kryebashkiakut Veliaj, tha:

“Mbajtja në paraburgim e Kryebashkiakut Veliaj – pa akuzë dhe kur ka mundësi për masa më të qarta, proporcionale dhe të arsyeshme alternative ndalimi – është në kundërshtim me parimet e vendosura për një proces të rregullt ligjor, dhe në papajtueshmëri me sundimin e ligjit.”

Kryetari i Bashkisë së Tiranës, Erion Veliaj tha: “Vendimi i sotëm i Gjykatës së Lartë është jashtëzakonisht zhgënjyes.

Sot, unë duhet të isha një hap më pranë kthimit në shtëpi, pranë familjes sime. Por, në vend të kësaj, ndodhem i burgosur dhe në izolim në IEVP Durrës, në pamundësi për t’u takuar me këshilluesit e mi ligjorë ndërkombëtarë apo për të pasur informacionin e nevojshëm për të mbrojtur veten.

Unë do të vijoj të ndjek të gjitha rrugët ligjore në mënyrë që t’i shërbej përsëri Tiranës”.

Ben Brandon, Partner, Mishcon de Reya shtoi:

“Konventa Europiane e të Drejtave të Njeriut (“ECHR”) i ndalon burgosjet arbitrare, dhe garanton që arrestimi duhet të jetë një masë e nevojshme, proporcionale dhe e arsyeshme. Ne po presim vendimin e plotë të Gjykatës së Lartë, por jemi duke marrë në konsideratë të gjitha masat e mundshme ligjore. Ne mbetemi jashtëzakonisht të shqetësuar që mbajtja në paraburgim e Kryebashkiakut Veliaj bie në kundërshtim me Konventën Europiane të të Drejtave të Njeriut.”

Raporti i plotë për arrestimin e padrejtë të Kryebashkiakut Veliaj mund të gjendet këtu. Kasoëitz dhe Mishcon de Reya do të vazhdojnë të ndjekin fuqishëm të gjitha mjetet e mundshme ligjore ndërkombëtare në emër të Kryebashkiakut Veliaj.

Po ndodh...

12:38 SPORT

FORMULA 1/ Ish-kampioni i botës, Hamilton: Jam i bindur, në 2026-ën fitojmë titullin

12:28 KOSOVA

BE kritikon Vetëvendosjen, europianët të zhgënjyer me moscertifikimin e listës serbe për zgjedhjet e 12 tetorit

12:08 BOTA

Skandal në Itali, zbulohet përmbajtje hekuri në mocarela, ministria jep urdhërin për tërheqjen urgjent nga tregu

11:54 POLITIKË

Bullizimi i Ramës ndaj gjyqësorit hedh në erë shpresën për shtet të së drejtës

11:50 AKTUALITET

Dhunë, zjarrvënie e kanosje.../ Vëllezërit qëllojnë me sende të forta 22-vjeçaren në Tiranë, nisin hetimet ndaj tyre

11:35 SHOWBIZ

E trishtë! Reperi i famshëm shqiptar, Marini humb djalin e sapolindur

11:33 POLITIKË

Vilë 760 mijë euro të padeklaruar në Gjirin e Lalzit? A është Noka ish-ministri që përmendi Bardhi që po hetohet nga SPAK?

11:28 AKTUALITET

“O vëlla letrat janë bërë për vrasje në bashkëpunim", zbardhen bisedat në “SKY”, si Bajri e Gjoka fshehën Duel Mehmedaj pas ekzekutimit të Ridvan Ramazanit

11:11 AKTUALITET

Përplasi për vdekje 65-vjeçaren dhe plagosi adolenshenten, arrestohet 45-vjeçari në Korçë

10:54 BOTA

Maduro denoncon zbarkimin e trupave amerikanë në brigjet e Venezuelës: Veprim imoral dhe i jashtëligjshëm

10:53 AKTUALITET

U kap me kokainë në makinë, merret vendimi për vajzën e Eli Farës

10:35 SHOWBIZ

Eleganca e gjysheve rikthehet: Çfarë është “Nonnacore”?

10:35 AKTUALITET

Shqiptarja nga Kosova paraqitet në gjendje të rëndë në spital, ndërron jetë te Trauma

10:27 SPORT

Rinis Serie A, Napoli tenton të bëjë “bis”. Inter, Juve dhe Milan kërkojnë të “shkurorëzojnë” jugorët

Dua të lexoj më shumë lajme