Lajme flash
"Pasaporta e BE"/ Ish-negociatori i Ramës, Zef Mazi hedh poshtë propagandën e kryeministrit në fushatë!
6 Maj 2025, 14:01 / POLITIKË
“Nuk mundem ta kuptoj se nga buron emtuziazmi për mbylljen e negociatave dhe për pashaportën evropiane”. Si çdo njeri racional edhe ish-kryenegociatori i Edi Ramës për bisedimet me Bashkimin Europian, diplomati Zef Mazi, e ka hedhur poshtë propagandën e kryeministrit gjatë fushatës elektorale. Hapja e kapitujve “nuk është e njëjta gjë” me mbylljen e tyre.
Shqipëria deri më tani nuk ka mbyllur asnjë tha ai në një intervistë për BIRN.
“Mali i Zi kishte hapur 32 kapituj në vitin 2012, 13 vjet më vonë, në vitin 2025, Mali i Zi ka qenë në gjendje të mbyllë vetëm pesë kapituj, nëse nuk gabohem”, tha Mazi gjatë intervistës.
“Prandaj, nuk mund ta kuptoj se nga vjen entuziazmi retorik i mbylljes së negociatave në vitin 2027 ose i dhënies së pasaportave të BE-së. Sado që do të doja t’i shihja gjërat në një dritë tjetër, kjo duket më shumë iluzione sesa realiste.”
Qeveria ka reklamuar hapjen e 16 nga 35 kapitujve negociues që nga viti 2022, por ish-diplomati Zef Mazi, kryenegociatori i Shqipërisë me BE-në në vitet 2020-2022, tha se hapja e kapitujve “nuk është e njëjta gjë” me mbylljen e tyre. Shqipëria deri më tani nuk ka mbyllur asnjë.
“Jam shumë i kujdesshëm kur bëhet fjalë për këtë, veçanërisht duke qenë i vetëdijshëm për rrethanat dhe situatën brenda BE-së dhe skepticizmin e disa shteteve anëtare të BE-së në lidhje me Ballkanin Perëndimor në përgjithësi”, tha Mazi.
Ai po ashtu rrëzoi propagandën e Ramës se integrimi është çështje e një partie.
“Integrimi në BE nuk është çështje partie, por çështje vendi”, tha ai.
“Kur një vend bëhet shtet anëtar, në tabelën e emrit nuk shkruhet ‘Partia Socialiste’ ose ‘Partia Demokratike’, por emri i vendit. Pjesa tjetër është PR dhe fushatë.”
Po ndodh...
E djathta mes pasqyrës së Berishës dhe Bashës!
Nga Ermal Peçi!
ide
Kolapsi moral dhe politik i PD-së
Nga Blendi Kajsiu
Nuk mund të serviret më si premtim, ajo ç’ka përbën detyrim
Nga Mimoza Çelçima
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128