English
Luaj me Fjalëkryq
Lajme flash

Tragjedia me 11 viktima dhe dhjetëra të plagosur, kryetari i Bashkisë paralajmëron thellim të bilancit: Shumë në gjehdje kritike!

28 Prill 2025, 07:32 / BOTA ALFA PRESS
Tragjedia me 11 viktima dhe dhjetëra të plagosur, kryetari i

Një tragjedi ndodhi një ditë parë në Vancouver, ku një automjet hyri mes turmës në një festival.

Në një konferencë të ndjekur nga shumë media, Kryetari i Bashkisë, Ken Sim, ka folur mbi tragjedinë, duke e cilësuar si “ditën më të errët” për Vancouverin dhe për komunitetin Filipin. Ai shprehu solidaritetin e thellë me familjet e viktimave, duke thënë: “Familja juaj është edhe familja jonë.”

Kryetari Sim theksoi se, megjithatë është gjetur forcë përmes dhimbjes së padurueshme që ka prekur komunitetin, dhe ka falënderuar shërbimet e emergjencës për veprimin e shpejtë dhe profesional.

Ai gjithashtu njoftoi se ka urdhëruar një “rivlerësim të plotë” të masave të sigurisë gjatë eventeve, përfshirë kontrollin e barrierave dhe menaxhimin e trafikut.

“Vancouver mbetet një qytet i sigurt,” theksoi Sim, duke i inkurajuar banorët të vazhdojnë me planet e tyre.

Ngjarja dhe Viktimat
Aktualisht, të dhënat për tragjedinë janë tronditëse: 11 persona kanë humbur jetën, të cilët ishin të moshave nga 5 deri në 65 vjeç. Po ashtu, dhjetëra të tjerë janë plagosur, disa prej të cilëve janë në gjendje kritike, dhe ende ka individë të papidentifikuar mes viktimave.

Kryetari Sim gjithashtu ofroi detaje në lidhje me të dyshuarin, një 30-vjeçar që është arrestuar dhe ndodhet në paraburgim. Ai sqaroi se, për momentin, të dhënat nuk sugjerojnë që ky ishte një “akt terrorizmi”.

“Sipas hetimeve, ky individ ka një histori të theksuar me probleme të shëndetit mendor dhe ka pasur ndërveprime të shumta me policinë për çështje të shëndetit mendor.Problemet e shëndetit mendor duket se janë shkaku kryesor këtu,” tha Sim.

Ai theksoi gjithashtu se kjo tragjedi duhet të shërbejë si një thirrje për ndryshim në trajtimin dhe mbështetjen e individëve me probleme të tilla.

Në përfundim, Kryetari Sim tha se ekipi i tij është i angazhuar për të bërë ngjarjet dhe qytetin më të sigurt, por situata të tilla mund të ndodhin kudo.

Një hetim i plotë do të vazhdojë për të zbuluar më shumë detaje rreth ngjarjes dhe për të siguruar që ngjarje të tilla të jenë më të sigurta në të ardhmen.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128