English
Luaj me Fjalëkryq
Lajme flash

Zjarri në Miras të Devollit vihet nën kontroll, por dëmet janë të mëdha. Specialisti pyjor: U dogjën rreth 5 ha të pishës së zezë

27 Gusht 2025, 20:51 / AKTUALITET ALFA PRESS

Zjarri në Miras të Devollit vihet nën kontroll, por dëmet

Zjarr që përfshiu një sipërfaqe pyjore në një zonë mbi fshatin Miras në Devoll ka lënë pasoja të mëdha, sidomos në djegien e pishës së zezë.

Zjarri u favorizua nga era dhe duhet thënë se bimësia në këtë zonë është e lartë. U ndërhy me mjetet zjarrfikëse dhe me mjete rrethanore, pasi terreni mbetet i vështirë.

“U lajmëruam rreth orës 13:30. Së bashku me forcat zjarrfikëse dhe drejtorinë e shërbimeve erdhëm të gjithë në ndihmë. Situata duket pak serioze. Jemi angazhuar që të gjithë në shuarjen e zjarrit, jemi në gatishmëri. Gjithashtu kemi patur ndërhyrje dhe nga banorët e zonës të cilët kanë ndihmuar në shuarjen e zjarrit.

Sipërfaqja e deritanishme mund të jetë rreth 5 ha, me pishë të zezë, dushqe të llojit qar. Situata është nën kontroll deri më tani por besoj se do të zgjasë, deri nesër do të jetë zjarri aktiv. Nuk mund të themi që zjarri do të shuhet brenda kësaj nate. Për shkak të terrenit shumë të thyer ne dhe zjarrfikësit e kemi patur shumë të vështirë të ndërhyjmë.

Ndërhyrja është bërë me mjete rrethanore. Jemi munduar me të gjitha mënyrat, me breza, me kundra zjarre por për shkak se bimësia është shumë e dendur dhe sipërfaqja është e mbuluar me bimësi barishtore, është e vështirë edhe fikja dhe hapja e brezave që mund të parandalojnë zjarrin.

Mesa dimë deri tani është vetëm një vatër, origjinën e vatrës ku ka nisur zjarri nuk mund ta përcaktojmë pasi kërkon rreth 30 min të arrijmë në vatër për shkak të terrenit. Ka rrezik pasi fshati më i afërt është Sinica dhe nëse zjarri merr përmasa më të mëdha, edhe mund të rrezikohet por besoj se deri nesër do të shuhet” – u shpreh Orgest Cenolli, përgjegjës i sektorit të menaxhimit të pyjeve:

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128