Lajme flash
AlfaPena/ Poezi nga Petrit Ruka: "Atdheu u shit...
9 Maj 2025, 09:33 / JETË
AlfaPena është një rubrikë letrare në Alfapress.al, dhe ka si qëllim të promovojë letërsinë e mirë shqipe dhe jo vetëm, të çdo poeti dhe shkrimtari.
Petrit Ruka - Atdheu u shit
Atdheu u shit, ankandi u mbyll,
Të gjithë e dimë, po lajm nuk ka,
Miliona letra me vlerë votimi,
Tani do të bëhen thasë me para…
U vumë në radhë si mijëra dele,
Kopen e ujqërve e zgjodhëm sërish,
Dhe shpresën e re në mijëra blegërima
E mblodhën Ata në vatha partish.
Në vend të zinxhirëve - karta krediti,
Skllevër të lirë, me bukë e makina,
Për ankthin miliona tableta kimike
Nën bluzat firmato, zemra me vrima.
Në mbrëmje ziftin e shpirtit të plasur
Ekranet me ngjyra e bëjmë limonadë,
Të dyja palët numurojmë çdo mbrëmje
Ne parainfarktet, dhe ata… paratë.
Atdheu u shit, ankandi mbaroi,
Këtej rrjedh vreri, andej veç gaz,
I huaj po ndjehem çdo orë, këtu,
Po s’kam më fuqi, as për maraz.
Unë kam fuqi veç për këtë këngë,
Me të cilën ata do qeshin me lot,
Do thonë; “…po ky si s’vuri pak mend
Poet i mirë, po mbeti idiot…”/Alfapress.al
Po ndodh...
Shqipëria voton nën hijen e Trumpit
Nga Fred Abrahams
ide
Napoleoni u tregua revolucionar pa dashjen e tij
Nga Marcel Hila
E djathta qytetare që ofron Lulzim Basha
Nga Ermal Peçi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128